x
მეტი
  • 29.03.2024
  • სტატია:134040
  • ვიდეო:353919
  • სურათი:508247
3 ყოველდღიური პროდუქტი, რომელთა მიღებასაც გასტროენტოროლოგი არ გვირჩევს
image

დოქტორი სარმედ სემი, (Dr. Sarmed Sami-ფოტოზე) კონსულტანტი გასტროენტეროლოგი ლონდონიდან, მოუწოდებს ადამიანებს განსაკუთრებული სიფრთხილე გამოიჩინონ ამ 3 კატეგორიის პროდუქტის მიმართ. მეტიც, უმჯობესია საერთოდ არ მიირთვათ ისინი - და მოძებნეთ უფრო ჯანსაღი ანალოგები "სუფთა" შემადგენლობით.



დამუშავებული ხორცი




ძეხვი, სოსისი, ლორი და ხორცის დელიკატესები მსოფლიოს მილიონობით ადამიანის საუზმის განუყოფელი ნაწილია. ამ კატეგორიის საკვები საშიშია მარილის მაღალი შემცველობის გამო: არსებობს მტკიცებულება, რომ მარილის გაზრდილი რაოდენობა ნაწლავევში ანადგურებს ლაქტობაცილების გარკვეულ შტამებს.



თუმცა, გადამუშავებული ხორცპროდუქტების მთავარი ზიანი მდგომარეობს მათ შემადგენლობაში შემავალ ნიტრატებსა და ნიტრიტებში. ნაწლავებში მოხვედრის შემდეგ ეს ნივთიერებები გარდაიქმნება ნიტროზამინებად, ნაერთად, რომელიც პროვოცირებას ახდენს კოლორექტალური კიბოს განვითარებაზე.


„გარდა ამისა, ძეხვი მდიდარია ცხიმით, რამაც შეიძლება გამოიწვიოს მავნე ბაქტერიების ჭარბი ზრდა და გამოიწვიოს ნაწლავებში ანთება“, დასძენს დოქტორი სამი.



მაღალი ცხიმის შემცველი რძის პროდუქტები



„რძე“ მდიდარია ცილებითა და კალციუმით, მაგრამ არა ყველასთვის. უპირველეს ყოვლისა, ეს გამოწვეულია ლაქტოზას აუტანლობით - გასტროენტეროლოგის შეფასებით, ეს მდგომარეობა ამა თუ იმ ხარისხით გვხვდება ზრდასრულთა თითქმის 90%-ში.


რა თქმა უნდა, დილის ყავაში ცოტა რძემ ან ნაღებმა ნაკლებად სავარაუდოა, რომ ზიანი მოგაყენოთ. მაგრამ თუ ხშირად გრძნობთ ტკივილს მუცელში და გაწუხებთ შებერილობა და მეტეორიზმი, უმჯობესია სცადოთ რაციონიდან ამოიღოთ რძის პროდუქტები და ნახეთ რა შეიცვლება.



ექსპერტის აზრით, ცხიმის მაღალი შემცველობის მქონე რძის პროდუქტები, როგორიცაა ნაღები, კარაქი და მყარი ყველი, ყველაზე უარყოფითად მოქმედებს საჭმლის მონელებაზე.


„გაჯერებული ცხიმების მაღალმა შემცველობამ შეიძლება გაზარდოს ნაღვლის მჟავების გამომუშავება ნაწლავში, რაც გავლენას ახდენს მთელი კუჭ-ნაწლავის ტრაქტის მიკრობიომზე და ამცირებს ბიფიდობაქტერიების რაოდენობას“, - განმარტავს ექიმი.


მზა საკვები


დიახ, ძალიან მოსახერხებელია და დიდ დროს ზოგავს. მაგრამ მზა კერძების პოვნა, რომელიც არ შეიცავს ბევრ მარილს, შაქარს, კარაქს და კონსერვანტებს, თითქმის შეუძლებელია. იმის გათვალისწინებით, რომ ბევრი ადამიანი ყოველდღიურად ყიდულობს საჭმელს შესვენებაზე „სავაჭრო დახლებზე“ და ხშირად საღამოობითაც კი მიდის მზა სალათების განყოფილებაში, რათა არ დახარჯოს ენერგია სადილზე, საშინელებაა იმის წარმოდგენა, თუ რამდენი საზიანო ინგრედიენტია საჭმლის მომნელებელი ტრაქტისთვის.


„ასეთი მაღალ დამუშავებული საკვები ცვლის ორგანიზმში მეტაბოლურ პროცესებს. ასეთი საკვები მაღალი ალბათობით იწვევს ტიპი 2 დიაბეტს, გაღიზიანებული ნაწლავის სინდრომს(გნს) და გულ-სისხლძარღვთა დაავადებებს“, - ასკვნის სარმედ სემი.

3
163
2-ს მოსწონს
ავტორი:არაჩანდა
არაჩანდა
Mediator image
Mediator image
Mediator image
163
  
2023, 25 მაისი, 22:53
კომენტარი ცარიელია ან წაშლილია

2023, 25 მაისი, 0:03
კომენტარი ცარიელია ან წაშლილია

2023, 13 მაისი, 23:12
კომენტარი ცარიელია ან წაშლილია

0 1 3