საზოგადოება "თაღლითების მსხვერპლნი გავხდით! ეს პოსტი წაიკითხეთ... ჩვენს დღეში არ იყოთ!"- რა შეემთხვა მაია სტეფნაძეს 2023, 9 მაისი, 10:56
ტელეწამყვანი და პროდიუსერი, მაია სტეფნაძე სოციალურ ქსელში პოსტს ავრცელებს, სადაც იმის შესახებ წერს თუ როგორ აღმოჩნდა ერთი ცნობილი ადვოკატის "წყალობით" მისი ოჯახი 3 მეზობელთან ერთად თაღლითური დანაშაულის მსხვერპლი. მაია სტეფნაძე ყველა იმ ადამიანს, ვისაც კი ამ კონკრეტულ ადვოკატთან რაიმე შეხება ჰქონია მოუწოდებს კარგად გადაამოწმოს საკუთარი საკუთრება, ვინაიდან ისინიც შესაძლოა მის მდგომარეობაში აღმოჩნდნენ. ცნობილი პროდიუსერისა და ტელეწამყვანის პოსტს უცვლელად გთავაზობთ:
"ჩემი ოჯახი და შვილები, ისევე როგორც კიდევ 3 მეზობელი, თბილისის ცენტრში, თაღლითების ჯგუფის მსხვერპლნი გავხდით! თუ ვინმეს საქმიანი, თუნდაც ირიბი შეხება გქონიათ ადვოკატ ნანა ფარჩუკაშვილთან, ეს პოსტი წაიკითხეთ და შემდეგ თქვენი საკუთრება შეამოწმეთ, ჩვენს დღეში არ იყოთ! კერძო სახლები, რომლებიც 1900-იანი წლებიდან ჩემი შვილების დიდი ბაბუის და მეზობლის დიდი ბაბუის აშენებული იყო და ამდენი წელი მარღანიები და შუღლიაშვილები იყვნენ მესაკუთრეები, შემთხვევით აღმოვაჩინეთ, რომ დანაშაულებრივი გზით სხვა პირზეა გადაფორმებული.
მოკლედ რომ ვთქვა, ეზოში 4 ოჯახის ქონება, საჯარო რეესტრმა ისე გადაუფორმა გაყალბებული საბუთებით ნანა ფარჩუკაშვილს, რომ კითხვაც არ დაუსვამს ჩვენთვის. საფუძველი მაქვს ვიფიქრო, რომ საჯარო რეესტრის თანამშრომელი ასევე ჩართულია ამთაღლითურ სქემაში! ყველაზე საოცარი ისაა, რომ ამ თაღლითების ჯგუფს სათავეში უდგას ადვოკატი ნანა ფარჩუკაშვილი, რომელიც ჩვენთან არავითარ შეხებაში არასოდეს არ ყოფილა და ჩვენი მეზობლის მოდავე მხარის ლია კობახიძის ადვოკატი იყო.
ამ თაღლითმა ფარჩუკაშვილმა დაარღვია ყველა პროფესიული ნორმა, ნოტარიუსის დავით წივწივაძის ხელით გაყალბებული საბუთებით მოიპოვა სამკვიდრო, გახდა 4 ოჯახის ბინების მესაკუთრე და თავის დანაშაულებრივი ჯგუფის კიდევ ერთ წევრზე, კონსტანტინე გედევანიშვილზე გამოსყიდვის უფლებით გაასხვისა, რომ კეთილსინდისიერი მყიდველის იმიჯი შეექმნა.ეს ის ნანა ფარჩუკაშვილია, რომელიც მთელ საქართველოში 40-მდე უძრავი ქონების მფლობელია, ისევე როგორც მისი ჯგუფის სხვა წევრებიც.ეს ის ნანა ფარჩუკაშვილია, რომელიც მსჯავრებული იყო, მასმედიის სხვადასხვა საშუალებებით საზოგადოებას თავს აცოდებდა და პატიმართა უფლებების დამცველი გმირის როლში გვევლინებოდა.
ეს ის ნანა ფარჩუკაშვილია, რომელიც დღემდე ადვოკატია და ფარულად დიდი ოდენობით, ჯგუფურად ჩადენილ სისხლის სამართლის დანაშაულში ვდებთ ბრალს!თბილისის საქალაქო სასამართლო / Tbilisi City Courtჩვენი ეზოს უფლებებს ჩემი ძვირფასი მეგობრის ეკა ბესელია-ს საადვოკატო ბიურო იცავს და ზუსტად ვიცი, სიმართლე გაიმარჯვებს!თაღლითების ადგილი ციხეშია!" - წერს დაზარალებული სტეფნაძე სოციალურ ქსელში.
|