მათთვის, ვინც მუდამ თავგადასავლებსა და ადრენალინს ეძებს, ეს ალბათ შესაფერისი ადგილი იქნება. მსოფლიოში ყველაზე მაღალი ლიფტი ჩინეთში ჟანჯიაჯიეს ეროვნულ პარკში, კლდეზე მდებარეობს.

ლიფტი ბაილუნი ჩინეთის ერთ-ერთ ყველაზე თვალწარმტაც ადგილას - ჟანჯიაჯიეს ეროვნული ტყის პარკში მდებარეობს. მას უწოდებენ "ასი დრაკონის ლიფტს" და ის ოფიციალურად არის შეტანილი გინესის რეკორდების წიგნში, როგორც ყველაზე მაღალი გარე ლიფტი მსოფლიოში.
გრანდიოზული ლიფტის მშენებლობა 2002 წელს დასრულდა. იგი შედგება სამი ორსართულიანი ლიფტისაგან, რომლებსაც უშიშარი მგზავრები ქვიშიანი კლდის კედელზე აჰყავთ 326 მეტრის სიმაღლეზე სანახავი პლატფორმისკენ. სწორედ ამ წერტილიდან დატკბეთ ულინიუანის ულამაზესი მთიანი ადგილის წარმოუდგენელი ხედებით. ეს ადგილი შთაგონების წყარო გახდა ფილმის „ავატარის“ შემქმნელებისთვის, რომლებმაც ჩინეთის პეიზაჟებიდან გადაიღეს იდუმალი პანდორას მთები.
ისინი თავბრუდამხვევ სიმაღლეებამდე ადიან სულ რაღაც ორ წუთში. თითოეულ ლიფტს შეუძლია ერთდროულად 50-მდე მგზავრის აყვანა. ცნობილ საბაგიროს დღეში დაახლოებით 20 000 სტუმარი სტუმრობს.
ამ ხედების სანახავად ცნობისმოყვარე ტურისტები პლატოზე დაახლოებით სამი საათის განმავლობაში მიდიოდნენ. ხანდახან უწევდათ ღამე გაჩერება სასურველ მიზანთან რომ მიეღწიათ, მაგრამ ახლა ყველა ბარიერი გაქრა და ვიზიტორთა რიცხვი დღითიდღე იზრდება.