ეს გაქვავებული ხეები 800, 000 წლის განმავლობაში იმყოფებოდნენ ტენიან ტროპიკულ ტყეში

მსოფლიოში ყველაზე დიდი გაქვავებული ხე ჩრდილოეთ ტაილანდშია აღმოჩენილი და როგორც მეცნიერები ვარაუდობენ 800 000 წლისაა.

მდებარეობს Mai Klay Pen Hin National Park-ში.

ის 2013 წელს ადგილობრივმა მკვიდრმა იპოვა, ტაკის პროვინციაში. რის შემდეგაც შესაბამის ორგანოებს დაუკავშირდა და აცნობა ფაქტის შესახებ. ადგილზე მისულ სპეციალისტებს დახვდათ უძველესი ხის მასიური ღერო.

მარჯვნივ - ჩრდილოეთ ტაილანდში ნაპოვნი გაქვავებული ხე, მარცხნივ - ილუსტრაცია თუ რა მასშტაბის იქნებოდა ის, შედარება ჟირაფთან. ილუსტრაცია: მარკ ფილიპი, ლიონის უნივერსიტეტი

ექსპერტთა ჯგუფის სამუშაოების დასრულების შემდეგ აღმოჩნდა, რომ ეს იყო უნიკალური შემთხვევა, როცა პირველად მიაგნეს სრულად შემონახული ხის ნამარხს - რომლის სიგრძე 72 მეტრს შეადგენდა, რაც იმას ნიშნავდა, რომ ორიგინალი ხე სულ ცოტა 100 მეტრის უნდა ყოფილიყო.

ტაილანდში 7 ასეთი მასიური ხეა ნაპოვნი, თუმცა არცერთი არაა 2013 წელს აღმოჩენილი ხის სიდიდის.

გაქვავებული ხეები აღმოჩენილია მსოფლიოს სხვადასხვა კუთხეში, ამერიკაში, საბერძნეთში, მათ შორის საქართველოშიც - გოდერძის ნამარხ ტყეში.

გაქვავებული ხე გოდერძის ნამარხ ტყეში, ფოტო: ადიგენის მუციპალიტეტის მერია

ხეების ნაკრძალი ლესბოსის გაქვავებული ტყიდან, საბერძნეთი

გაქვავებული ხე არიზონას ეროვნულ პარკში, აშშ