სხვა პირველად 55 წლის შემდეგ - გამოქვეყნდა ფოტოები იური გაგარინის გარდაცვალების ადგილიდან (ფოტოები) 27 მარტი, 18:06  რუსეთის სამეცნიერო და ტექნიკური დოკუმენტაციის სახელმწიფო არქივმა პირველად გამოაქვეყნა ფოტოები იმ ადგილიდან, სადაც მსოფლიოში პირველი კოსმონავტი იური გაგარინი დაიღუპა. ფოტოები განთავსებულია არქივის ვებგვერდზე. კადრებში ჩანს MiG-15UTI ორადგილიანი სასწავლო თვითმფრინავის ფიუზელაჟის ფრაგმენტები, რომელზედაც გაგარინი და სამხედრო მფრინავი ვლადიმერ სერეგინი დაფრინავდნენ. ფოტოები დათარიღებულია 1968 წლის 28 მარტით, კატასტროფის მომდევნო დღეს. 
გაგარინი და სერეგინი დაიღუპნენ 55 წლის წინ, 1968 წლის 27 მარტს, ვლადიმირის რეგიონის კირჟაჩსკის რაიონის სოფელ ნოვოსელოვოსთან, სასწავლო გაფრენის დროს.
2022 წლის დეკემბერში კოსმონავტების მომზადების ცენტრის არქივმა გაასაჯაროვა იური გაგარინის აქამადე გასაიდუმლოებული პირადი საქმე. დოკუმენტი შეიცავს პირად ანკეტას, ცხრილს სამხედრო სამსახურის და ინფორმაციას ოჯახის შესახებ, ასევე კოსმონავტთა კორპუსში თანამდებობების ჩამონათვალს და სხვა ინფორმაციას.
2021 წლის აპრილში, ამერიკულმა ჟურნალმა Popular Mechanics დაწერა, რომ იური გაგარინი, რომელიც იყო კოსმოსში ნამყოფი პირველი ადამიანი, ასევე იყო პირველი ადამიანი, ვინც გაფრინდა ჰიპერბგერითი სიჩქარით. 615 3-ს მოსწონს
|
  |
Intermedia.ge © 2011-2023 წელი
საავტორო უფლებები დაცულია
 |
