საქართველოს მესამე პრეზიდენტის მიხეილ სააკაშვილის დედას, გიული ალასანიას შვილთან, ექიმების რეკომენადაციის მიუხედავად, არასაკმარისი კალორაჟის საკვები მიაქვს. ამის შესახებ ყოფილი პრეზიდენტის მკურნალმა ექიმმა ლუიზა შენგელიამ განაცხადა. აღნიშნულ ინფორმაციას ჟურნალისტი ბონდო მძინარაშვილი სოციალურ ქსელში შემდეგი სახის პოსტით ეხმიანება:

„მანიაკი დედა-შვილი.

ყურადღება მიაქციეთ, რას ამბობს ექიმი: „ესმის ყველაფერი, ძალიან ჭკვიანი და ყველაფერში გარკვეულია. შესაძლოა, ჩემზე მეტიც ესმის"!

დააბრუნეთ მანიაკი რუსთავში! დააბრუნეთ!

ეგ თავს არ მოიკლავს, გამორიცხულია!", - წერს ბონდო მძინარაშვილი და მიხეილ სააკაშვილის მკურნალი ექიმის ინტერვიუდან ფრაგმენტს აქვეყნებს:

„კალორაჟზე ენდოკრინოლოგმა, ქალბატონმა სოფომ რომ შესთავაზა ქალბატონ გიულის, არა, ეს ჩვენ არ გვჭირდება. ჩვენ თვითონ უკეთ ვიცით, რა უნდა მოვუტანოთო. ჩვენ ამას არ მივიღებთო და არც გამოართვა ის კალორაჟი, რაც ქალბატონმა სოფომ გამოთვალა.

სჭირდება ცილოვანი საკვების მიღება. ცილოვან საკვებს საკვები სახითაც არ იღებს. მის საკვებში ძირითადი ბოსტნეულობაა. ამ ბოლო დროს, ერთი კვირაა, სადილზე სუში მოაქვს. ჯერ მეგონა, რომ თევზის სუშია და ძალიან გამიხარდა. თევზი კალორიულია და რამდენჯერ ვურჩიე და თურმე, ბოსტნეულის სუში ყოფილა.

ძირითადად, სიმპტომურ მკურნალობაზეა, რაც ეკუთვნის მის ორგანიზმს. სხვაგვარი მიდგომა უნდა და ამაზე უარს ამბობს. ესმის ყველაფერი, ძალიან ჭკვიანი და ყველაფერში გარკვეულია. შესაძლოა, ჩემზე მეტიც ესმის.
სიმპტომური მკურნალობა რას ნიშნავს? - ეს სახლშიც შეიძლება და ნებისმიერ სხვა დაწესებულებაში", - ამის შესახებ სააკაშვილის მკურნალმა ექიმმა, ლუიზა შენგელიამ „იმედის კვირას“ სააკაშვილის კვების რაციონზე საუბრისას განუცხადა."