ხუთშაბათს ტონგას რეგიონში( წყნარი ოკეანის სამხრეთ-დასავლეთ ნაწილი) 7, 1 და 5, 5 მაგნიტუდის სიმძლავრის ორი მიწისძვრა დაფიქსირდა. გამოცხადდა ცუნამის საფრთხე. ამის შესახებ აშშ-ის ცუნამის გაფრთხილების ეროვნული ცენტრი იტყობინება. მოგვიანებით გაფრთხილება გაუქმდა.

მიწისძვრების სერია დაფიქსირდა 16 მარტს ნუკუალოფადან 1011 კილომეტრში, სადაც 22, 4 ათასი ადამიანი ცხოვრობს და ოკლენდის (ახალი ზელანდია) ჩრდილო-აღმოსავლეთით 800 კილომეტრში, სადაც 1, 6 მილიონზე მეტი ადამიანი ცხოვრობს. ბიძგები დაახლოებით 10 კმ სიღრმეზე იყო.

ახალი ზელანდიის საგანგებო სიტუაციების მართვის სააგენტომ აღნიშნა, რომ ბიძგები კუნძულის ჩრდილო-აღმოსავლეთ ნაწილში იგრძნობოდა. მსხვერპლისა და ნგრევის შესახებ ინფორმაცია არ გავრცელებულა.