საქართველო
"ნუ ეტენები უსაპნოდ და რაც არ ხარ, იმაზე ნუ იქაჩები"- ვის მიმართავს თამარ ჩერგოლეიშვილი
2023, 10 მარტი, 18:27
"ტაბულას" დამფუძნებელი თამარ ჩერგოლეიშვილი სტუდენტების მიერ გიორგი ვაშაძის აქციიდან გაძევების ვიდეოს პირად გვერდზე აზიარებს და "სტრატეგია აღმაშენებლის" ლიდერს საჯაროდ მიმართავს:
"Giorgi Vashadze - ვერ მოახტი ხო?
გონიერ და პატიოსან ხალხს დაუჯერე და ნაკლებად დაიცინები.
საკუთარ ამომრჩეველს მიხედე, თუ გყავს.
სხვას ნუ ეტენები უსაპნოდ და რაც არ ხარ, იმაზე ნუ იქაჩები. ძაან კაი …
ასე უნდა მოუვიდეს ჩრდილიდან მართულ ყველა თოჯინას, რომელიც სხვისი გამარჯვების მითვისებას, და ფულის ტომრის დახმარებით, საერთო პროცესზე მოხტომას ცდილობს. კეზერაშვილის ტელევიზიებმა გააშუქეს ამის გაგდება? თუ აგრძელებენ მაყურებლის მოტყუებას, ყალბი პროცესის და ყალბი ლიდერების შექმნას?" - წერს თამარ ჩერგოლეიშვილი სოციალურ ქსელში.
შეგახსენებთ, რომ "სტრატეგია აღმაშენებლის" ლიდერს, გიორგი ვაშაძეს აქციის მონაწილეებმა, სიტყვით გამოსვლის შესაძლებლობა არ მისცეს. როგორც მათ აღნიშნეს, საკანონმდებლო ორგანოსთან მიმდინარე აქციაზე პოლიტიკური განცხადებები არ სურთ. მას შემდეგ, რაც აქცის მონაწილეებმა, ვაშაძის სიტყვით გამოსვლა გააპროტესტეს, მან ტერიტორია დატოვა.
