სხვა ქართველი წყალბურთის "მესი" - ასე აფასებენ პეტრე მშვენიერაძეს 2023, 2 მარტი, 21:52 პეტრე მშვენიერაძე 1929 წლის 24 მარტს დაიბადა თბილისში. გატაცებული იყო ფრენბურთით, კალათბურთითა და ფეხბურთით. 14 წლისამ ვარჯიში დაიწყო ცურვაში, 1944 წელს კი მოიპოვა სსრკ-ის ჩემპიონობა. 1946 წლიდან დაიწყო წყალბურთის თამაში. თავდაპირველად იცავდა თბილისის “დინამოს” ღირსებას, 1952-1963 წლებში გამოდიოდა მოსკოვის სამხედრო-საჰაერო ძალების (BBC), მოსკოვის სამხედრო ოლქისა (MBO) და მოსკოვის “დინამოს” მაისურებით. ათჯერ მოიპოვა სსრკ-ის ჩემპიონის ტიტული (1952, 1955-1964). პეტრე მშვენიერაძემ სსრკ-ის ნაკრებში პირველად 1949 წელს ითამაშა. 1960 წლის რომის ოლიმპიადაზე პეტრე მშვენიერაძემ საბჭოთა ნაკრების შემადგენლობაში ვერცხლის მედალი მოიპოვა, 1962 წელს კი _ ევროპის ჩემპიონატის. სპორტული კარიერის დასრულების შემდეგ პეტრე მშვენიერაძე გახდა იურიდიულ მეცნიერებათა დოქტორი და მუშაობა დაიწყო სსრკ-ის შინაგან საქმეთა სამინისტროს აკადემიაში, სადაც 2002 წლამდე კითხულობდა ლექციებს სისხლის სამართლის საკითხებზე. 2002 წლის დეკემბერში პეტრე მშვენიერაძეს მწვავე ლეიკოზი დაუდგინეს. ის 2002 წლის 3 ივნისს მოსკოვის ჰემატოლოგიის ინსტიტუტში გარდაიცვალა. მისი ორივე ვაჟი წყალბურთელი იყო. გამორჩეული იყო პორტსმენის სხეულის გაბარიტები - სიმაღლე 198 სმ, წონა - 92 კგ. მისი სპორტული კარიერა მეოცე საუკუნეში ერთ-ერთი გამორჩეული იყო. 240 1-ს მოსწონს
|