ვიტამინების ნაკლებობა სერიოზული საქმეა, მაგრამ როგორ ამოვიცნოთ?

საკმარისია, საკუთარ თავს მოუსმინოთ, რადგან სხეული გარკვეული ვიტამინების ნაკლებობაზე პირდაპირ ყვირის, მაგრამ ჩვენ ვერ ვამჩნევთ.

1. ქერტლი

ქერტლის მიზეზი ცხიმოვანი მჟავების დეფიციტი შეიძლება იყოს. თევზის ქონი ან მეტი მცენარეული ზეთი მიირთვით.

2. უსიცოცხლო თმა

ეს B ჯგუფის ვიტამინების დეფიციტის ნიშანი შეიძლება იყოს. მისი საუკეთესო წყაროა სატაცური და ისპანახი. არ დახარჯოთ ფული შამპუნებზე, რომლებიც თმის ბზინვარებას გპირდებიან. პრობლემას შიგნიდან გაუმკლავდით.

3. ნაადრევი ჭაღარა თმა

იცით, რომ ჩვენს ორგანიზმს სჭირდება სპილენძი? მისი დეფიციტის დროს თმა დროზე ადრე ჭაღარავდება. სპილენძს შეიცავს ღვიძლი, კაკალი, ფურცლოვანი ბოსტნეული, ბარდა, ლობიო, სოკო.

4. დახეთქილი ტუჩები

თუ ტუჩები ხშირად გისკდებათ, მაგრამ სიცივეში არ გადიხართ და არ იქერცლავთ, ეს B12 ვიტამინის დეფიციტის ნიშანია. მიირთვით მეტი ფრინველი, კვერცხი, თევზი, რძე და ხაჭო.

5. მოშვებული კანი

კანის ელასტიურობის გასაზრდელად და კანის დაბერების თავიდან ასაცილებლად, მიიღეთ E ვიტამინი. ის გვხვდება ნუშის, ზეითუნის და სიმინდის ზეთებში.

6. მუდმივი დაღლილობის შეგრძნება

თუ მუდმივად გრძნობთ დაღლილობას იმის მიუხედავად, საკმარისად გძინავთ თუ არა, ეს შეიძლება მიუთითებდეს იმაზე, რომ გჭირდებათ მეტი D ვიტამინი. სხვათა შორის, ეს ვიტამინი ზამთარში განსაკუთრებით გვაკლია. ამ ვიტამინის დოზის მისაღებად გაისეირნეთ მზეზე ან მიირთვით მეტი რძის პროდუქტი – ყველი, კარაქი, ხაჭო.

7. სისხლჩაქცევები სხეულზე

C ვიტამინის დეფიციტის დროს სისხლძარღვების მტვრევადობა იზრდება. ასე კანი ადვილად ჩაგილურჯდებათ. C ვიტამინს დიდი რაოდენობით შეიცავს კივი, ფორთოხალი, ყვავილოვანი კომბოსტო და ა.შ.

8. განავლის პრობლემები (ყაბზობა)

ხშირად ამის მიზეზია უჯრედისის ნაკლებობა. დილით შვრიის ფაფა ახალი ვაშლით მიირთვით, პრობლემას მოგიგვარებთ. უჯრედისით მდიდარია ქატო, სელის თესლი და პარკოსნები (ოსპი, წიწილა, ლობიო და ა.შ.).

ასევე დაგაინტერესებთ:

1. "მუდმივად ვიღლებოდი და წონაში ვერ ვიკლებდი, დიეტოლოგი მაშინვე მიხვდა - ეს თუთიის დეფიციტია"

2. D ვიტამინს ორგანიზმი ვერ ითვისებს მინერალის გარეშე, რომელიც თითქმის ყველას აკლია

3. ინსტრუქცია: დღის რომელ მონაკვეთში უნდა დალიოთ ვიტამინები

4. ყავამ შეიძლება გამოიწვიოს გულძმარვა, წამლებმა კი კუჭის პრობლემები. რისი გაკეთება არ ღირს უზმოზე

5. ცივი ფეხები, უძილობა და სწრაფი კვების პროდუქტები: იმუნიტეტის 6 მთავარი მტერი

6. მელატონინი - ხანგრძლივი ცხოვრების მიზეზი. როგორ გავზარდოთ მისი დონე