ფოტოგრაფია
რომანტიკული ფოტოები სანაპიროდან: შეყვარებული წყვილები ერიკ რიდის ობიექტივში
2023, 12 თებერვალი, 18:53
კლიმატი იცვლება და ყოველწლიურად ჩვენს პლანეტაზე ტემპერატურაც სულ უფრო ექსტრემალურ ნიშნულს აღწევს, ამიტომ ადამიანების უმრავლესობა ცდილობს ზაფხულის პერიოდში სანაპიროზე სულ უფრო მეტი დრო გაატაროს.
ზაფხული - წელიწადის ყველაზე მნიშვნელოვანი დროა, სწორედ ამ დროს ხდება ჩვენთვის ყველაზე მნიშვნელოვან საკუთარ "მე"-სთან შეხვედრა. ზაფხულში, უბრალო გასეირნებიდანაც კი შესაძლებელია ყველაზე დაუვიწყარი ემოციების მიღება, რადგან ამაში ხელს არანაირი გარე ფაქტორი არ გვიშლის.
ფოტოგრაფი ერიკ რიდი სანაპიროზე დასვენების მოყვარულებს შვიდი წლის განმავლობაში სისტემატურად იღებდა და წყვილებს შორის სასიყვარულო ჟესტებს ფირზე მთელი სიზუსტით სახავდა. ხელოვანის თითქმის ყველა ფოტო მკვეთრ ემოციებს გადმოსცემს.
უმეტესს შემთხვევაში, წყვილები სანაპიროს თავს მოსაწყენი, რუტინული დღეებისგან აფარებენ, ვიღაც დამღლელი სამსახურისგან გარბის, ვიღაც კი - ბავშვებისგან, ზოგიც ორივესგან ერთად. ერიკ რიდის ამ ფოტოებზე ურთიერთობის რომანტიკა საკმაოდ მოწიფული ასაკის წყვილებს შორისაც იგრძნობა, რომლის ამ სახით გამოვლენაც ნაკლებ სავარაუდოა სადმე ქალაქში ან სახლში მოხდეს.