სხვა "ჩვენ ვერასოდეს გავხდებით ევროპელები, ჩვენ ვართ განსხვავებული..." 2023, 29 იანვარი, 23:47 ეს "წერილი" 9 წლის წინ დამიწერია, მართალია ასაკით სულაც არ ვიყავი ბავშვი, 22 წლის ვიქნებოდი, მაგრამ გარეგნობით, საქციელით, ხასიათით ნამდვილად ვიყავი ბავშვი და ბავშვური. ასე იყო მერეც და 31 წლის ასაკში გავიზარდე ერთიანად, ერთი ფაქტის გამო, ერთბაშად გავიზარდე. შემთხვევა, რომელიც ალბათ უნდა მომხდარიყო ასე... ყველაფერი ხომ ღვთის ნებაა...უკვე გაზრდილ, ჩამოყალიბებულ, დამოუკიდებელ და საკუთარ თავ ნაპოვნ თეონას შეუძლია შეცვალოს ბევრი რამ ამ წერილში, მაგრამ დაე იყოს ასე... რასაც ვფიქრობდი იმ ეტაპზე. საინტერესოა გარკვეულ საკითხებზე როგორ ფიქრობენ დღევანდელი 22 წლის ახალგაზრდები, ალბათ მათთან ბევრ თემასთან დაკავშირებით ძველმოდური აღმოვჩნდები... გამარჯობა, მე თეონა ვარ გორდეზიანი.სულ ისეთ საკითხებზე ვწერ რაც მე მეხება, ჩემს სულთანაა ახლოს, ან უბრალოდ ვწერ და არ ვასაჯაროებ ამ ქსელის საშუალებით. ვწერ და ჩუმად ვინახავ, ვინ იცის რისთვის, ვინ იცის რატომ...ამ წერილის დაწერა კი საყოველთაო პრობლემის გამო გადავწყვიტე, რაზეც ადრე არ ვფიქრობდი. ახლა კი, ნამდვილად მქონდა დრო დავფიქრებულიყავი და თან შევწუხებულიყავი კიდეც.... ქართულ სალიტერატურო ენაში არსებობს ისეთი სიტყვები, როგორიცაა ღირსება, პატიოსნება, პატივისცემა, რიდი, მოკრძალება, ჰუმანურობა...არსებობდა, არსებობს და ვიმედოვნებ იარსებებს. თუ არ გაგაჩნია ღირსება, აკეთებ იმას რაც გინდა, ისე როგორც გინდა, არავის სცემ პატივს და არ იმსახურებ არავის პატივისცემას..თუ არ იცი უფროსუმცროსობა, არ გაქვს არავის რიდი, მოკრძალების პროცენტულობა შენში ნულს უტოლდება..თუ არ გაინტერესებს სივრცე სადაც ხარ, ცხოვრობ და შენი მიზნის მისაღწევად შეგიძლია ყველაფერი გააკეთო, თუნდაც ვიღაცის დაჩაგვრის ხარჯზე წახვიდე წინ მიუთითებს იმას თუ არა, რომ ჰუმანურობაზე არაფერი გსმენია. ისევე როგორც ყველა მეც მომხრე ვარ რომ ადამიანებმა რაც უნდათ ის უნდა აკეთონ, როგორც უნდათ ისე იცხოვრონ, ხშირად არასასურველ ჭორებს აარიდონ თავი, მათი გაკიცხვის გამო პოზიციები არ უნდა დათმონ, მაგრამ...არსებობს დიდი და მრავლისმეტყველი მაგრამ....წინა თაობებს შორის არიან ადამიანები, ვისაც ერთ ქვაბში ვერ მოვხარშავთ..არიან ჭორიკანა, ცუდის მსურველი, შურიანი ხალხის გარდა ადამიანები..ვინც ჩვენ აქამდე მოგვიყვანა, გადაგვარჩინა.შეინარჩუნა ქართული გენი, სიწმინდე, პატიოსნება, შეინარჩუნა ქართული ენა, თბილი სიტყვები...რომელ ენაში არსებობს გენაცვალე, შენი ჭირიმე, შენ შემოგევლე (აბა სცადეთ და გადათარგმნეთ ინგლისურად...) ჰოდა, იმას ვამბობდი რომ არსებობენ ღირსეული ქართველები ვის გამოც ქართველობას არ უნდა გადავაბიჯოთ..არ უნდა დავივწყოთ რანი ვიყავით...მიუხედავად იმისა, რომ ოცდამეერთე საუკუნეა და ევროპისკენ, ევროპული, ხშირად მანკიერი ჩვევებისკენ ვისწრაფვით. ჩვენ ვერასოდეს გავხდებით ევროპელები..ჩვენ ვართ ქართველები, განსხვავებული, განსაკუთრებული ერი...(თუმცა ბატონი ჟვანიას ფრაზა მომხიბვლელად ჟღერს, საჭიროც იყო: "მე ვარ ქართველი და მაშასადამე მე ვარ ევროპელი'') უგუნურმა ქართველებმა ამ ოცდამეერთე საუკუნის ახალგაზრდა შვილებმა, აიღეს არა ის, რაც დადებითია ევროპულ სამყაროში..თუნდაც ის, რომ ზუსტად იციან როდის რა უნდათ, სად მიდიან, როდის უნდა იმუშაონ, როგორ ხარისხიანად დაგეგმონ შაბათ-კვირა მეგობრებთან ან ოჯახთან ერთად..როგორ მიყვნენ ჯანსაღი ცხოვრების წესს და გაილამაზონ სიბერე...აიღეს მხოლოდ სიტყვიერი და ხორციელი თავისუფლება...ცხოვრობენ ვისთანაც უნდათ, რამდენ ხანსაც და როგორც გაეხარდებათ...მაგრამ ამაში საძრახისი არაფერია და არც მაქვს სურვილი გავკიცხო ასეთი ქართველი, უბრალოდ მომხრე ვარ არ გაეწიოს ამას პროპაგანდა...ყველამ იცხოვროს ისე როგორც უნდა, ვისთანაც უნდა, მაგრამ ნუ მიეძღვნება ამას გადაცემები, ნუ ილაპარაკებენ ამას მეტიჩარა ქართველები, რომ ამით ჩვენი თავისუფლება გამოიხატება და ვინც ასე არ ფიქრობს გოიმი და ბნელია... ჩემი აზრით პირიქით ასეთი ადამიანია უგუნური და ბნელი ვინც მარტივ გზას ეძებს ბედნიერებისა და თავისუფლებისთვის, თუნდაც ჩემი ფიქრი ''გოიმურად '' ჟღერდეს...ის უფრო რთულ საქმედ მიმაჩნია, რომ ამ ბინძურ სამყაროში იპოვო ერთი შენნაირი და შენი ცხოვრება მას დაუკავშირო სამუდამოდ...მაგრამ რატომ მოიქცევიან ასე როცა არსებობს მარტივი გზა...ურთიერთობა ერთთან, არ გამოვა??მეორესთან..მესამესთან და ხომ გაგიმართლებს ოდესღაც...სასაცილოა.(გოიმი ვარ) კიდევ ვიმეორებ არ ვკიცხავ კონკრეტულ ადამიანებს, იცხოვროს ყველამ ისე როგორც უნდათ, გააკეთონ ის რაც უნდათ, მგარამ ნუ ეწევიან ამის პროპაგანდას.ყველას აქვს თავისი შეგნება და გადაწყვეტს რამდენს და როგორ დაუკავშიროს ცხოვრება..მაგრამ ეს სანამ ადამიანის გონება ჩამოყალიბდება, მანამდე კი ასეთ ინფორმაციას იღებენ და შესაბამისად როცა დადებითად გაწვდიან, ვითომდა და აქტუალური ტელევიზიით, ჩამოუყალიბებელი გონება ფიქრობს ამაში ხომ ცუდი არაფერია... თუნდაც შემრაცხონ გოიმად და ბნელად მაინც ამ აზრზე დავრჩები...და არ ჩავწერები ისეთი ადამიანების რიცხვში ვინც სხვის ცხოვრებაში ყოფენ ცხვირს, უფრო მინდა ის კატეგორია ვიყო..ვინც დაიცავს ღირსებას, სცემს ოჯახის წევრების აზრს პატივს, უფრთხილდება და უყვარს ყველა მეგობარი ვინც გარშემოა და მაინც იმას აკეთებს რაც უნდა ...ჩემს გარშემო მომავალიც ასეთი გაიზრდება და იქნება.ვიცი ჩემს გარშემოც ბევრია ვინც ჩემნაირად ფიქრობს და ზუსტად თქვენი იმედი მაქვს რომ მომავალში ყველაფერი კარგად იქნება... მე, თქვენ, ჩემი, თქვენი, ჩემი მეგობრების და თქვენი მეგობრების შვილები...ბევრს შევცვლით, შევცვლით და თან შევინარჩუნებთ ქართველობას, ყველგან გამორჩეულები უნდა ვიყოთ და ვამაყობდეთ რომ ასეთები ვართ.. 36 1-ს მოსწონს
|