ჟურნალისტი გოდერძი შარაშია 2009 წელს მკვლელობის ბრალდებით დაკავებული ვენერა ობოლაშვილის გათავისუფლების გარშემო ატეხილ ამბავს სოციალურ ქსელში ეხმიანება და შემდეგი სახის პოსტს აქვეყნებს:

„ვენერა ობოლაშვილზე რეპორტაჟი პირველმა გავაკეთე.

ციხეში ვიყავი ინტერვიუზე, ვრცლად და დეტალურად ისაუბრა სამივე საქმეზე.

მახსოვს, კვირები დამჭირდა, რომ დამევიწყებინა მისი მოყოლილი შემზარავი ამბები.

არც ერთი წამით არ შეიძლება მისი საქმის რომანტიზება.

ძალიან მძიმე და საშიში ისტორია აქვს", - წერს გოდერძი შარაშია.

შეგახსენებთ, რომ ვენერა ობოლაშვილი 2009 წელს სამი უმძიმესი მკვლელობისთვის გაასამართლეს და სასამართლომ 23-წლიანი პატიმრობა მიუსაჯა.