x
მეტი
  • 16.07.2024
  • სტატია:136008
  • ვიდეო:351963
  • სურათი:510279
რა იცით საკუთარი ნაკლის შესახებ? – ის ყველა ქალს ერთი აქვს!

სამყაროს შექმნის მეექვსე დღე სრულდებოდა, როდესაც ღმერთმა ქალის შექმნა გადაწყვიტა. რამდენიმე საათიანი დაძაბული მუშაობის შემდეგ, მასთან მთავარანგელოზი მივიდა: «მის შექმნაზე ამდენს რატომ წვალობ? ყველა დანარჩენი წამებში მზად იყო».


image


ღმერთმა ღრმად ამოისუნთქა და უპასუხა: «ეს უნიკალური არსება იქნება, რომელიც ჰარმონიას, სიყვარულს და სილამაზეს შეიტანს სამყაროში. შეხედე მისთვის შედგენილ სპეციფიკაციის სიას: 200-ზე მეტი ნაწილია, მაგრამ, მიუხედავად ამისა, მისი მოძრაობა მოხდენილი და დახვეწილი უნდა იყოს. ის საკუთარ თავსაც განკურნავს და სხვებსაც შეუსუსტებს ტკივილს, იქნება სუსტი, მაგრამ თუ საჭიროება მოითხოვს, დღე-ღამეში 18 საათსაც იმუშავებს. მას მხოლოდ 2 ხელი ექნება, მაგრამ ის შეძლებს, რომ ყველა ახლობელს მოეხვიოს, სიყვარული აჩუქოს, ფიზიკური და სულიერი ტკივილი შეუმსუბუქოს».

ანგელოზმა ყურებს არ დაუჯერა.

– და ეს სტანდარტული კომპლექციაა? აქ ხომ 1 კვირის სამუშაოა?!

– არა, – უპასუხა ღმერთმა, – მე ყველაფერს დღეს დავასრულებ და ის ჩემი საყვარელი არსება იქნება.

ანგელოზი მას აღარ შეჰკამათებია, მხოლოდ მივიდა და ღმერთის ბოლო ქმნილებას ხელი დაადო.

– როგორი რბილი და ნაზია!

– დიახ, – წამოიძახა ღმერთმა, – მაგრამ, ამ სინაზეში ისეთი ძალა და გამძლეობა იმალება, რომ ვერც კი წარმოიდგენ. მე დიდხანს ვფიქრობდი იმაზე, თუ როგორ უნდა შემეერთებინა სისუსტე და სიმძლავრე, სილამაზე და ძალა – და ცოტა ხნის წინ გამოსავალს მივაგენი... და რადგან ყველა დანარჩენი პროექტი დასრულებულია, მე ყველაფერ ამას ქალს ჩავუნერგავ.

– და ამდენი რამის ფონზე, ის მოაზროვნე არსება იქნება? – ვერ იჯერებდა ანგელოზი.

– მოაზროვნე, მშვენიერი და მგრძნობიარე, – უპასუხა ღმერთმა.

ანგელოზმა აღფრთოვანებით შეხედა ქალს.

– მართლაც ლამაზია. ალბათ, ყველაზე ლამაზი, შენს მიერ შექმნილ არსებებს შორის. – თქვა მან და ქალის სახეს ხელით შეეხო.

– მე მგონი, ცოტა ნოტიოა და წყალი გასდის.

– არა, წყალი არ გასდის – ჩაიცინა ღმერთმა. – ეს ცრემლებია. მასში გარდაიქმნება და მასთან ერთად წავა მისგან დარდი, მარტოობა, ტანჯვა და წუხილი.

ანგელოზი მართლაც შთაბეჭდილების ქვეშ იყო.

– უფალო, შენ ყველაფერი უმნიშვნელო დეტალებამდე გათვალე. ქალი მართლაც განსაცვიფრებელი გამოვიდა!

– მართალია! – დაეთანხმა ღმერთი. – მართლაც გასაოცარია. ის სამყაროს სილამაზით შეავსებს, ხოლო საკუთარი სიძლიერით მამაკაცების გაოცებასაც კი შეძლებს. მასში ყველაფერი შეძლებს შეთავსებას, ურთიერთსაპირისპირო რამეებიც კი. ის გაიღიმებს, როდესაც ტირილის განწყობაზე იქნება და სხვებს დაეხმარება, როდესაც თავად იქნება დასახმარებელი. მისი ძალა, თვისება და სხვების დახმარება ყველაფერში გამოვლინდება, გამოხედვაშიც კი.

ანგელოზი მონუსხული იდგა და ქალს უყურებდა. ღმერთმა კი, ისევ ღრმად ამოისუნთქა და თქვა:

– სამწუხაროდ, საბაზო კომპლექცია არ არსებობს ნაკლის გარეშე, რომლის გამოსწორება მეც კი არ შემიძლია. ჩვენ ვაძლევთ ყველა წინაპირობას, მაგრამ არ შეგვიძლია მისი გონების მართვა. ქალი თვითონ უნდა მიხვდეს და გამოასწოროს ის, წინააღმდეგ შემთხვევაში, ცხოვრებას დაინგრევს.

– და ნაკლი რაში მდგომარეობს? – იკითხა გაკვირვებულმა ანგელოზმა.

– მან საკუთარი თავის ფასი არ იცის. – უპასუხა მას ღმერთმა.


image

არხის სხვა სიახლეები:


* მამაკაცების ჰარემი იმპერატორი ქალისთვის

* ზღაპრული პეიზაჟები შიშველი ქალის სხეულზე

* 15 საოცარი რამ და ადგილი, რომელიც რეალურად არსებობს

* ჩვენთვის ნაცნობი... განსხვავებული რაკურსით (20 ფოტო)

* ცხოვრების გაკვეთილები

* საოცარი დამთხვევები, რომლებიც ძნელი დასაჯერებელია, მაგრამ სინამდვილეში იყო

* XXI საუკუნის სამმა მთავარმა წინასწარმეტყველმა ომის დასრულების და ევროკავშირის დაშლის თარიღი დაასახელა


1
568
1-ს მოსწონს
ავტორი:ლალი ადიკაშვილი
ლალი ადიკაშვილი
Mediator image
568
  
2023, 13 იანვარი, 22:57
კეთილი იყოს თქვენი მობრძანება სექსის გაცნობის საუკეთესო საიტზე --- www.Top24.pw
0 1 1