განათლების სამინისტროს ინფორმაციით, უსინათლო პირებისთვის ბრაილის შრიფტის ქართული ელექტრონული ვერსია შეიქმნა.

ბრაილის შრიფტის ქართული ელექტრონული ვერსია ამერიკელმა ექსპერტმა, ჰარის მობრისმა შექმნა გაეროს განვითარების პროგრამის და „მარიანის“ თანამშრომლობის ფარგლებში.

„კომპიუტერთან დაკავშირებული ბრაილის ეკრანის (Braille display) ან ბრაილის ჩამწერის (Braille note-taker) გამოყენებით შესაძლებელი იქნება ტექსტის ქართული ბრაილის შრიფტით წაკითხვა.

ბრაილის შრიფტის ელექტრონული ვერსია მსოფლიოს არაერთ ქვეყანაში გამოიყენება, რაც უსინათლო ადამიანებს შესაძლებლობას აძლევს აქტიურად გამოიყენონ თანამედროვე ტექნოლოგიები, რომ წვდომა ჰქონდეთ ყველა საჭირო ინფორმაციაზე და შეძლონ სრულფასოვანი ინტეგრაცია საზოგადოებაში“ – აცხადებს სამინისტრო.

სამინისტროს ინფორმაციით, ბრაილის შრიფტის ელექტრონული მხარდაჭერა ინტეგრირებულია უფასო პროგრამაში „ლიბლუიში“, რომელიც, თავის მხრივ, ჩაშენებულია ეკრანის წამკითხველ სხვადასხვა პროგრამაში, ისეთში, როგორიცაა: NVDA, JAWS და სხვა.