"ლივერპულის" ვარსკვლავი მოჰამედ სალაჰი სოციალურ ქსელში გააკრიტიკეს მუსლიმმა გულშემატკივრებმა მას შემდეგ, რაც მან ნაძვის ხესთან ოჯახთან ერთად გადაღებული ფოტო გამოაქვეყნა.

სალაჰმა, რომელიც მუსლიმია, ფოტოს თავის ტვიტერსა და ინსტაგრამზე წარწერა „#MerryChristmas“ მიაწერა.

30 წლის მამაკაცი და მისი ოჯახი- ცოლი მაგი და ქალიშვილები მაკა და კაიანი -პიჟამოებში გამოწყობილები პოზირებდნენ ტრადიციულ საშობაო ნაძვის ხესთან.

რა თქმა უნდა მუსლიმები ტრადიციულად არ აღნიშნავენ შობას, მაგრამ ზოგიერთი მაჰმადიანი თანამონაწილე ხდება ხოლმე რაიმე ქრისტიანული დღესასწაულის, რომელსაც ქრისტიანები ზეიმობენ.

სალაჰის "ტვიტერის" გვერდს კრიტიკის რისხვა დაატყდა მუსლიმი მხარდამჭერებისგან, რომელთა უმეტესობა დიდი ბრიტანეთის საზღვრებს გარედან იყო მოწერილი . ერთ-ერთი მათგანი წერს: "მე შენზე უარს ვიტყვი და "ლივერპულის" მხარდამჭერი აღარ ვიქნები, რადგან შობას ქრისტიანებთან ერთად აღნიშნავ".

„დაბადებიდან "ლივერპულის" ფანი ვარ, მაგრამ კლუბის მხარდაჭერას შევწყვეტ, რადგან შობას ქრისტიანებთან ერთად აღნიშნავთ. შენ ახლახან დაკარგე მო სალაჰის ფანი. ნახვამდის!"

„მო სალაჰ, მე შენ მიყვარდი, როგორც "მადრიდის" ფანი. მე მეგონა, რომ დიდი ფეხბურთელი იყავი და ყოველთვის შთამაგონებდი. თუმცა ამ ტვიტის შემდეგ მისაბაძად ვეღარ გთვლით.იმედი გამიცრუე. თუ არ წაშლით ამ ტვიტს, მე მომიწევს თქვენი გამოწერის გაუქმება“, - წერენ კომენტარებში.

თუმცა იყვნენ ისეთებიც, რომლებმაც მაინცდამაინც დიდი ვერაფერი კატასტროფა დაინახეს ამაში.

"შობას გილოცავ აფრიკელო თხავ, ჩვენთვის ეს არის ლიონელ მესი, კრიშტიანუ რონალდუ და კილიან მბაპე ერთად. ისიამოვნეთ", "წლის ყველაზე მოსალოდნელი საშობაო პოსტი. გილოცავთ შობას მო."