საფრანგეთი და დიდი ბრიტანეთი აპირებდა სსრკ-ზე სამხედრო დარტყმას 1940 წლის გაზაფხულზე.

საფრანგეთმა და დიდმა ბრიტანეთმა 1940 წლის დასაწყისში ფინეთის ტერიტორიიდან საბჭოთა კავშირზე სამხედრო დარტყმა დაგეგმეს. ამის შესახებ ნათქვამია საარქივო დოკუმენტში, რომელიც რუსეთის საგარეო დაზვერვის სამსახურმა გამოაქვეყნა. მასალა გამოქვეყნებულია ელცინის საპრეზიდენტო ბიბლიოთეკის ვებგვერდზე.

საუბარია სსრკ-ს შინაგან საქმეთა სახალხო კომისარიატის სახელმწიფო უსაფრთხოების მთავარი სამმართველოს მეხუთე განყოფილებაში მიღებულ საიდუმლო დოკუმენტზე, რომელიც შემოსულია ჩინეთიდან . 1940 წლის 4 მარტით დათარიღებულ დოკუმენტში ნათქვამია, რომ საფრანგეთის და ინგლისის განზრახვაა გააჭიანურონ საბჭოთა კავშირის -ფინეთის ომი საბჭოთა კავშირის ძალაუფლების შესუსტების მიზნით. ამიტომ დაგეგმილია ფინეთის ტერიტორიიდან სამხედრო დახმარება და დარტყმები.

”ინგლისი და საფრანგეთი ამჟამად ცდილობს გამოიყენონ ფინეთი, როგორც საბაბი სსრკ-ს წინააღმდეგ საზოგადოებრივი აზრის ჩამოყალიბებაში, რათა აიძულონ საკუთარი ხალხი მხარი დაუჭირონ თავიანთ მთავრობებს ყველა იმ ღონისძიებაში, რომელი მიმართული იქნება სსრკ-ს წინააღმდეგ. ინგლისს და საფრანგეთს სურთ ომი აწარმოონ სსრკ-ს წინააღმდეგ. ფინეთის ტერიტორიიდან“, - ნათქვამია წერილში.

თუმცა, საფრანგეთისა და დიდი ბრიტანეთის გეგმები, როგორც ხვდებით, ვეღარ განხორციელდა, რადგან საბჭოთა-ფინეთის ომი სულ მალე დასრულდა- 1940 წლის 13 მარტს.