იაპონიაში სასკოლო ლანჩები მნიშვნელოვნად განსხვავდება ლანჩებისგან ჩვენი ჩვეულებრივი გაგებით.

იაპონურ კულტურაში საკვები განათლების განუყოფელი ნაწილია. ბავშვებს ადრეული ასაკიდანვე ასწავლიან, რომ ნებისმიერი საკვები, რომელსაც ისინი მოიხმარენ, გავლენას ახდენს არა მხოლოდ სხეულზე, არამედ აზროვნებაზე და კეთილდღეობაზე. ”მთავრობის პოზიციაა, რომ სასკოლო ლანჩი არის განათლების სავალდებულო ნაწილი და არა სწავლის შესვენება”, - თქვა მასაჰირო ოჯიმ, სკოლის ჯანდაცვის მთავრობის წარმომადგენელმა.
თუ მშობლებს არ შეუძლიათ გადაიხადონ ბავშვის საკვებისთვის (დაახლოებით $2, 50), ბავშვებს სთავაზობენ უფასო ან შემცირებულ ლანჩ პროგრამებს.

იაპონიაში ლანჩის დრო თითქმის წმინდაა. არავის ეჩქარება და არავინ აჩქარებს, ბავშვები მშვიდად მიირთმევენ საჭმელს.
სკოლის მოსწავლეები ერთმანეთს მზა კერძებს აწვდიან- ასე იზრდება მათში დამოუკიდებლობა. ბევრ სკოლას დამლაგებლებიც კი არ ჰყავს, ბავშვები საკუთარ კლასებს თვითონ ასუფთავებენ.

ბრინჯი იაპონელების ძირითადი საკვებია.
ლანჩი ჩვეულებრივ შედგება ძირითადი კერძისგან, ბრინჯისგნ და წვნიანისგან. ფოტოზე გამოსახულია მისოს წვნიანი, ხმელი თევზი, რძე, ბრინჯი და შემწვარი ღორის ხორცი ბოსტნეულით.

შედეგად, იაპონელები არა მხოლოდ იღებენ ჯანსაღ სხეულს და კუჭს, არამედ სწავლობენ პასუხისმგებლობით მიდგომას იმასთან დაკავშირებით, რასაც ჭამენ. იაპონიას აქვს ერთ-ერთი ყველაზე მაღალი საშუალო სიცოცხლის ხანგრძლივობა და საშუალოზე დაბალი სიმსუქნის მაჩვენებელი.