ეს ძალიან მარტივი რეცეპტია, იმდენად მარტივი, რომ მისი გამოყენება ბავშვებსაც კი შეუძლიათ. თუ გასტრონომიული სიამოვნების განცდა გინდათ, ზედმეტი ძალისხმევის გარეშე, მაშინ ეს თქვენი რეცეპტია – შეურიეთ ყველა ინგრედიენტი, დანარჩენს კი, ღუმელი გააკეთებს.

ინგრედიენტები:

კვერცხი – 2 ცალი
შაქარი – 0, 5 ჭიქა
ფქვილი – 1, 25 ჭიქა (160 გრ.)
რძე – 0, 5 ჭიქა (100 მლ.)
ზეთი – 0, 3 ჭიქა (70 მლ.)
გამაფხვიერებელი – 1 ს. კ.
ვანილინი – 0, 5 ჩ. კ.

მომზადება:

I. ღრმა თასში ათქვიფეთ კვერცხი > დაამატეთ შაქარი, ზეთი და რძე > ინგრედიენტები ერთმანეთს კარგად შეურიეთ.

II. დაუმატეთ ფქვილს გამაფხვიერებელი და ჩააცერით თასში > იქამდე თქვიფეთ ცომის მასა, ვიდრე ერთგვაროვანი არ გახდება.

III. ფორმის ძირში ჩააფინეთ საცხობი ქაღალდი და კარაქი წაუსვით ფორმის შიდა ზედაპირს > გადაიტანეთ მასში ცომი.

IV. გამოაცხვეთ 180 გრადუსზე, წინასწარ გახურებულ ღუმელში.

V. ცხობის ხარისხი, კბილის ჩხირით შეამოწმეთ > როდესაც გამოცხვება და ცოტა შეგრილდება, ფორმიდან ამოიღეთ და შაქრის პუდრი მოაფიფქეთ.