ქართველი მოდელი, მატილდა გვარლიანი "დიორის" ჩვენებაზე გამოვიდა.

ჩვენება პარიზის მოდის კვირეულის ფარგლებში მიმდინარეობდა და მასზე ბრენდის 2023 წლის საგაზაფხულო-საზაფხულო კოლექცია იყო წარმოდგენილი.

22 წლის მატილდა უკვე წლებია წარმატებულად თანამშრომლობს ისეთ მსოფლიო ბრენდებთან, როგორიცაა: "დოლჩე და გაბანა, " "დიორი, " "ფენდი, " "ვალენტინო." ახალგაზრდა მოდელი უკვე 2 წელია "რედ ვალენტინოს" სახეა.

მატილდას სრული სახელი მატილდა მარიამ გვარლიანია. მისი სიმაღლე 187 სმ-ია. ის დღესათვის ყველაზე წარმატებულ და მოთხოვნად ქართველ მოდელად ითვლება.