.

ირაკლი ალასანიას მეუღლე, ცნობილი ქართველი ფსიქოლოგი ნათია ფანჯიკიძე სოცქსელში წერს:

.

„მე და ჩემი მეგობარი კიკნა ვოცნებობთ ვიყოთ გმირები. ისიც ვიცით, რა შეგვიძლია და რა არის ჩვენი ნიშა. მე ვოცნებობ, ვინმე დახრჩობას გადავარჩინო, მიუხედავად იმისა, რომ ყვინთვა არ ვიცი, წყალი მეყლაპება და ცხვირი მეწვება. კიკნამ კი გრეის ანატომია ყურადღებით ნახა და დარწმუნებულია, რომ მაღალკვალიფიციური სამედიცინო დახმარების გაწევა შეუძლია. წელს ორივე ახლოს ვიყავით გმირობასთან. გაზაფხულზე კიკნა კონფერენციაზე მიფრინავდა. თვითმფრინავში ადამიანი ცუდად გახდა და სტიუარდები ექიმს ითხოვდნენ. კიკნა პირველი წამოხტა და მიიწევდა, მიმიშვითო, ეგ სერია ნანახი მაქვსო. არ მიუშვეს, ვიღაც ექიმი ამჯობინეს. მე კიდევ, ამ ზაფხულს, ამხელა გმირმა ქალმა ხუთი წუთი მოვადუნე ყურადღება, ყავის დასალევად ავედი ბარში და მაინცდამაინც მაშინ, უჩემოდ გადაარჩინეს ლოპოტაზე ქალი, რომელსაც აუზი ღრმა არ ეგონა და იხრჩობოდა.აღტაცებისგან ვბოდავ, რაღათქმაუნდა. აზოველების დაბრუნება მიხარია. ბედნიერების მწვერვალია, იცოცხლო ასეთი დამსახურებით და არათუ გამარჯვებაც იზეიმო, განასახიერებდე დიდ გამარჯვებას.“ - წერს ფანჯიკიძე

.

ნაცმოძრაობის დეპუტატი ემზარ ჯანაშვილი ავტოავარიის შედეგად გარდაიცვალა

.

55 წლის ასაკში დედოფლისწყაროს მუნიციპალიტეტის საკრებულოს წევრი, ფრაქცია „ნაციონალური მოძრაობის“ დეპუტატი ემზარ ჯანაშვილი უბედური შემთხვევის შედეგად გარდაიცვალა. ინფორმაცია დედოფლისწყაროს ტელევიზიას პარტიის ერთერთმა ლიდერმა გიორგი ბოტკოველმა დაუდასტურა.

.
19 სექტემბერს ქვეითად მოსიარულე მამაკაცს ავტომანქანა დაეჯახა, რის შემდეგაც სასწრაფო დახმარების ეკიპაჟმა მძიმე მდგომარეობაში მყოფი ჯანაშვილი ქირურგიის ეროვნულ ცენტრში გადაიყვანა. შემთხვევა თბილისში მოხდა, სადაც ის შვილებთან იყო ჩასული. რამდენიმე დღის განმავლობაში რეანიმაციულ განყოფილებაში მკურნალობდნენ, თუმცა მისი გადარჩენა ვერ მოხერხდა.

.

გასული წლის თვითმმართველობის არჩევნებზე ჯანაშვილი ნაცმოძრაობის სიის მეშვიდე ნომერი იყო და სოფელ არბოშიკის მაჟორიტარი დეპუტატობის კანდიდატად იყრიდა კენჭს. 2014 წელს იყო დედოფლისწყაროს მერობის კანდიდატი.

.
ემზარ ჯანაშვილი 2012 წლამდე დედოფლისწყაროს გამგეობაში მრავალი წლის განმავლობაში მაღალ თანამდებობებზე მუშაობდა. ხელისუფლების ცვლილებამდე ის დედოფლისწყაროს გამგებლის პირველ მოადგილის პოსტს იკავებდა.

.
დედოფლისწყაროს ტელევიზია სამძიმარს უცხადებს ნაციონალური მოძრაობის დედოფლისწყაროს რაიონულ ორგანიზაციას, გარდაცვლილის ოჯახსა და ახლობლებს.