საზოგადოება "პოლიტიკით ზედმეტად დაინტერესებულები არიან" - საქართველოში საცხოვრებლად გადასულმა რუსებმა აქაურ ცხოვრებაზე ისაუბრეს 2022, 20 სექტემბერი, 11:48 საქართველოში გადასულმა რუსებმა ადგილობრივების მომაბეზრებელ თვისებებზე ისაუბრეს და რუსმა მიგრანტებმა აღნიშნეს, რომ ქართველები პოლიტიკით ზედმეტად დაინტერესებულები არიან. ქართველების შემაწუხებელ ინტერესზე ისაუბრეს რუსებმა, რომლებიც ხშირად ცდილობენ ჩაითრიონ პოლიტიკაზე საუბრებში, განუცხადეს Lente.ru-ს საქართველოში საცხოვრებლად გადასულმა ორმა პროგრამისტმა, ანასტასია კ.-მ და ევგენი კ.-მ . ამასთან, ადგილობრივებს არ უყვართ ქვეყნის შიდა პრობლემებზე საუბარი. გოგონას თქმით, ამან მისი გაღიზიანებაც კი გამოიწვია. რუსებმა Lenta.ru-სთან საუბარში საქართველოში ცხოვრებიდან მიღებული შთაბეჭდილებების შესახებ ისაუბრეს. ეროვნული საკითხი ქუჩაში გადაადგილებისას ანასტასია კ-ს და ევგენი კ-ს მუდმივად ეკითხებოდნენ ეროვნებას. „როდესაც ჩვენ აპრილის ბოლოს გადმოვედით საცხოვრებლად, ბევრი კითხვა იყო რუსებსა თუ უკრაინელებზე. ასეთ კითხვებს ძირითადად ტაქსის მძღოლები სვამდნენ. იყო რამდენიმე შემთხვევა, როცა ქუჩაშიდაც გვეკითხებოდნენ. ახლა ასეთი რამ გაცილებით ნაკლებად ხდება“, - ამბობს ევგენი კ. მისი ვარაუდით, მსგავსი კითხვების რაოდენობა შემცირდა იმის გამო, რომ ადგილობრივები მიჩვეულები არიან ირგვლივ მიგრანტების დიდ რაოდენობას. ანასტასია კ-ს თქმით, ასეთი საუბრები ყველაზე ხშირად ტაქსის მძღოლებთან და ქუჩაში მდგარ უსაქმურ ადამიანებთან იმართებოდა. "ყველა გამუდმებით მეკითხებოდა, საიდან ხარ, მერე კი ლექციას იწყებდნენ პოლიტოლოგიასა და ეკონომიკაზე". „აქ ყველა ძალიანაა ჩართული პოლიტიკაში და ესაა უცნაურად საკმარისად შემაშფოთებელი. სინამდვილეში, ეს შეგნებულად არაა. ისინი უყურებენ იგივე ტელევიზორს, როგორსაც ხალხი რუსეთში, უბრალოდ აქ სხვა სურათს აჩვენებენ, ”- განმარტა ანასტასია.კ-მ. თანამოსაუბრეების თქმით, ქართველებს სურთ უფრო და უფრო ხშირად ისაუბრონ საგარეო პოლიტიკაზე. თუმცა ადგილობრივი პრობლემები შიდა პრობლემებზე საუბარს არ ჩქარობენ. „ქართველები, როგორც ვხედავ პოლიტიკით არიან გატაცებულები“, - ამბობს ევგენი კ. „მაგრამ მე ვიტყოდი, რომ ზოგიერთი შიდა პრობლემების შესახებ ადგილობრივები საუბარს არ ჩქარობენ. ბევრს ეშინია შიდა პრობლემებზე ღიად საუბარის. პირად საუბრებში შეიძლება რამე გითხრან, ნაკლებად სავარაუდოა, რომ ქუჩაში ასეთი საკითხები განიხილებოდეს. მიუხედავად იმისა, რომ ხალხი გამოდის ქუჩებში და აქციებს აწყობს“. როგორ ხვდებიან რუსებს როდესაც ვთქვით, რომ ჩვენ ვართ რუსეთიდან, მოსკოვიდან, არ ყოფილა რაიმე დაგმობის მსგავსი. ყველა გვაუბნებოდა: "საშინელებაა, რომ ქვეყნის დატოვება მოგიწიათ. ანუ ყველა ცდილობს მხარი დაგვიჭიროს"( შენიშვნა:Lenta.ru თავს არიდებს მიზეზის დასახელებას, თუ რატომ დატოვა წყვილმა სამშობლო, თუმცა მკითხველისთვის მე მგონი ადვილი მისახვედრი უნდა იყოს. სტატიის ავტორი) მიგრანტმა ანასტასია კ.-მ თქვა, რომ რამდენჯერმე წააწყდა ვიდეოებს, რომლებშიც გადმოცემულია მკვეთრად უარყოფითი დამოკიდებულება საქართველოში რუსების მიმართ. თუმცა, პირად საუბარში, თუნდაც უცნობ ადამიანებთან, ასეთი საქციელი არავის გამოუჩენია, რამდენიმე ქართული ტიკტოკს წავაწყდი, სადაც ეწერა „რუსებო წადით სახლში“. ეს ახალგაზრდობიდან მოდის. უფროსი თაობა კი სტუმრების მოხარულები არიან“, - თქვა ანასტასია კ.-მ ცხოვრების დონე „რაც ძალიან მაწუხებს არის ის, რომ არის ძალიან დაბალი ცხოვრების დონე და ძალიან დაბალი ხელფასები. ანუ თბილისში საშუალო ხელფასი დაახლოებით 800 ლარია. ეს ძალიან ცოტაა. მითუმეტეს დღევანდელ ფასებში“, - განაცხადა ანასტასია კ. ევგენი კ.-მ დასძინა, რომ საქართველო აღარ არის საცხოვრებლად იაფი ქვეყანა. „ახლა რუსეთიდან, ბელორუსიიდან, უკრაინიდან უამრავი ადამიანი ჩამოვიდა. ამის გამო ფასები უცბად გაიზარდა. რა თქმა უნდა, ქართველებს შორის დაძაბულობა ახალმოსულებთან მიმართებაში გაიზარდა, რადგან ადრე ჩვეულებრივი შრომისმოყვარე, რომელიც მუშაობდა და იღებდა ათას ლარს, საკმარისი იყო. ახლა მას არ აქვს საკმარისი ფული ნორმალური ცხოვრებისთვის, რადგან ყველაფერი გაძვირდა: საკვები, მომსახურება და საცხოვრებლის ქირა. ”- თქვა ევგენი კ. -მ "თბილისში გაქირავების ფასები უკვე ახლოსაა ევროპულთან, თუმცა, მომსახურების სერვისი ბევრ რამეში ჩამორჩება მოსკოვისას"- ხაზგასმით აღნიშნა გოგონამ.- აქედან გამომდინარე, ამიტომ თბილისი აღარ განიხილება ცხოვრებისთვის მომგებიან ვარიანტად." ასევე, წყვილმა შენიშნა, რომ ბევრ ადგილობრივს ჩამოუყალიბდა ჩვევა, წვრილმან შიდა პრობლემებშიც კი რუსეთის პრეზიდენტი ვლადიმერ პუტინი დაადანაშაულონ. „სახლში ტაქსით მივდიოდი. გზაზე შეცვალა მარშრუტი, შემოვლითი გზით მოგვიწია მგზავრობა. ტაქსის მძღოლმა ლაპარაკი დაიწყო: „ეს ყველაფერი პუტინის გამოა“. აი, ეს გზა რუსმა მშენებლებმა გააკეთეს, მათ საკუთარ ქვეყანაში ყველაფერი გააფუჭეს, ახლა კი აქ აფუჭებენ გზებ“, - აღნიშნა რუსმა ქალმა. შენიშვნა: მთავარი ფოტო პირობითია 339 2-ს მოსწონს |
რაც შეეხება დამოკიდებულებას რუსების მიმართ,ეს ნაცისტური ამბავია და ამაზე ბევრჯერ დავწერე უკვე. გუშინ პრობლემა არ იყო რუსის შემოსვლა,მხოლოდ დღეს გახდა,რადგან ეხლა მოდაშია რუსის გინება და ქვეყნიდან გაგდება. რაც შეეხება უფროსს თაობას,ისინი შეხმატკბილებულად ცხოვრობდნენ რუსებთან და არანაირი პრობლემა არ აქვთ,რუსეთი გადამრჩენად მოიაზრება მათვის,უკეთესი ვერ კი არადა,არ შესთავაზეს დამოუკიდებელ საქართველოში.ვერც სხვა ქვეყნები(რუსების ჩამნაცვლებლები) იქცევიან რუსებზე უკეთესად და ისევ შეჩვეული ჭირი ურჩევნიათ.