თუ რომელიმე ადამიანს სთხოვთ მოკლედ აღწეროს იაპონია, მაშინ 90%-იანი ალბათობით ეს იქნება „ანიმე“ და „მაღალი ტექნოლოგია“. და ეს მართალია - მთელი მსოფლიო დიდი ხანია გატაცებულია ამომავალი მზის ქვეყნის ციფრული და ანიმაციური მიღწევებით. მაგრამ ეს მხოლოდ აისბერგის მწვერვალია, რადგან იაპონიაში ყველაზე ნაცნობმა ნივთებმაც კი, როგორიცაა მაღაზიები, შეიძლება სიტყვასიტყვით გამოიწვიოს შოკის მდგომარეობა იმ ადამიანისთვის, ვინც პირველად შეხვდა მათ თავისებურებებს.

1. დახლებზე ხილის და ბოსტნეულის ფასი 1 ცალს აღნიშნავს და არა ერთ კილოგრამს

ეს გამოწვეულია იმით, რომ იაპონელებს ურჩევნიათ საკვების ყიდვა მხოლოდ რამდენიმე დღისთვის განკუთვნილი რაოდენობით. ეს მიდგომა უზრუნველყოფს, რომ სუფრაზე საკვები ყოველთვის ახალი იქნება. იაპონიაში კი ხილი და ბოსტნეული საკმაოდ ძვირია. მაგალითად, ერთი ვაშლი ღირს 498 იენი ( დაახლ. 3.60 დოლარი). ამ თანხას თქვენ უნდა დაამატოთ მოხმარების გადასახადი, რომელიც არის 8% საკვებზე და მივიღებთ სულ სხვა თანხას. სხვათა შორის, საქონლის ღირებულება ორჯერ არის მითითებული. დიდი ბეჭდვითი - გადასახადის გარეშე და ქვემოთ, პატარა - გადასახადის ფასით.

2. სუპერმარკეტები გთავაზობენ მწარმოებლის შესახებ ზუსტ ინფორმაციას

იაპონელები დიდ მოთხოვნებს აყენებენ პროდუქციის ხარისხზე, ამიტომ მაღაზიები ცდილობენ თავიანთ მომხმარებელს მიაწოდონ სრული ინფორმაცია მწარმოებლის შესახებ, ფერმების დასახელებამდე. ამ მიზნით გამოიყენება QR კოდები.

3. იაპონიაში ვერ ნახავთ გაყინულ თევზს ან გაყინულ ხორცს

უცხოელისთვის შეიძლება გასაკვირი იყოს, რომ იაპონიის სუპერმარკეტებში არ არის დახლები გაყინული ხორცითა და თევზით. ამის რამდენიმე მიზეზი არსებობს. პირველი აღინიშნა ზემოთ - იაპონელები ძალიან მომთხოვნი არიან საკვების ხარისხზე და ყოველთვის ამჯობინებენ ახალ ხორცს. მეორე ის არის, რომ იაპონიაში საშუალო ბინის ან სახლის ზომა საკმაოდ მცირეა და ზოგჯერ სამზარეულოში უბრალოდ არ არის ადგილი საყინულე ან თუნდაც მაცივარი რომ იდგეს.

4. თვითმომსახურების სალაროები კატის კნავილის ხმით

იაპონიაში დიდი ხანია გამოიყენება თვითმომსახურების სალაროები და, როგორც ჩანს, უკვე მოსაწყენი გახდა. სხვაგვარად როგორ ავხსნათ ის ფაქტი, რომ ზოგიერთ ახალ მოწყობილობაში წარმატებულ სკანირებაზე მიუთითებს არა სტანდარტული ელექტრონული ხმით, არამედ კატის კნავილით ან ძაღლის ყეფით?

5. კალათები საყიდლებისთვის ასევე განსხვავებულია

ხისტი, მოუხერხებელი სტრუქტურების ნაცვლად, იაპონიის მაღაზიები აღჭურვილია პატარა, მაგრამ ძალიან მანევრირებადი კალათებით. ზემოდან პლასტმასის კალათაა მოთავსებული და თუ ბევრი ნივთია ნაყიდი, ქვემოთ კიდევ არის ადგილი.


6. სალაროებთან შხირადაა ნარინჯისფერი ბურთები

ისინი შექმნილია არა სილამაზისთვის - არამედ უსაფრთხოებისთვის. ისინი შეიცავს ნათელ წარუშლელ საღებავს და ძარცვის შემთხვევაში მოლარემ ეს ბურთი ყაჩაღს უნდა ესროლოს. ეს პოლიციას გაუადვილებს დამნაშავის დაჭერას.

7. აქვთ საპარკინგე ადგილები შინაური ცხოველებისთვის

”ეს უფასოა და დროის ლიმიტების გარეშე. ვფიქრობ, პერსონალს შეუძლია იქ დარჩენილ ცხოველებზე ზრუნვაც კი“.

8. წვიმიან ამინდში მომხმარებლები უფასოდ იღებენ პოლიეთილენის პარკ ქოლგისთვის

9. წვიმიანი ამინდებისთვის ქოლგები ყველგან იყიდება ავტომატებში

10. მაღაზიაბში ხანდახან მთლიანი განყოფილებაა გამოყოფილი სკამების ან მაგიდების წინდებისთვის

იაპონიაში მიღებული წესია სახლში შესვლამდე ფეხსაცმელების გახდა. აქედან გამომდინარე, წინდების ასორტიმენტი, რომლებიც რეალურად საყვარელი სახლის ფეხსაცმელია, ისეთი ფართოა, როგორც არსად მსოფლიოში. იაპონელებს ისე უყვართ წინდები, რომ მათ სკამებზეც კი ატარებენ. ის ერთდროულად ლამაზიც არის და პრაქტიკულიც: „დაფარებული“ ფეხები იატაკს საერთოდ არ კაწრავს.

11. საყიდლებისთვის განკუთვნილი კალათები დეზინფექციას გადიან

12. სუპერმარკეტებთან ერთად ძალიან პოპულარულია ე. წ. კომბინები

კომბინი არის პატარა კომფორტული მაღაზიები, რომლებიც შეგიძლიათ ნახოთ იაპონიის თითქმის ყველა კუთხეში. მზა საჭმლისა და სხვადასხვა საყოფაცხოვრებო წვრილმანების ფართო ასორტიმენტის გარდა, შეგიძლიათ გადაიხადოთ გადასახადები, გამოიტანოთ ნაღდი ფული ბანკომატიდან, გააკეთოთ ქაღალდების ასლები, გაგზავნოთ ფაქსი ან აიღოთ შეკვეთა მიტანის სერვისის ადგილიდან.

13. ანიმე და მანგა იაპონური კულტურის ნაწილია, ამიტომ თემატური მაღაზიები და კაფეები ყველგან შეგიძლიათ ნახოთ

Mandarake არის უმსხვილესი მაღაზიათა ქსელი, რომელიც ყიდის ანიმესთან დაკავშირებულ პროდუქტებს. ოდესღაც ის მხოლოდ პატარა მაღაზია იყო წიგნებისა და მანგას ყიდვა-გაყიდვისთვის, ახლა კი მთელი კორპორაციაა. მთავარი მაღაზია მდებარეობს ტოკიოში და უკვე დიდი ხანია არის “სალოცავი" ადგილი ჟანრის მოყვარულთათვის მთელი მსოფლიოდან.

14. პოკემონის ცენტრები სამოთხეა პიკაჩუს მოყვარულთათვის

ამ მაღაზიების ქსელი წარმოდგენილია იაპონიის ყველა დიდ ქალაქში, ხოლო ტოკიოს უდიდეს ცენტრში არის კაფეც კი, სადაც აბსოლუტურად ყველაფერი, მათ შორის კერძები, მორთულია პოკემონის თემატიკით.

15. კატების ნივთების მაღაზია კიოტოში

იაპონიაში კატებს ყოველთვის განსაკუთრებული ადგილი ეკავათ. ამიტომ, გასაკვირი არ არის, რომ მთელი მაღაზიები ეძღვნება ამ ულამაზეს ცხოველებს.

16. ძველი წიგნების მაღაზიებიც ასევე პოპულარობით სარგებლობს

17. ხის ჩხირები იაპონიაში ტრადიციული კვების საშუალებაა, რომელიც იმსახურებს ცალკე მაღაზიას.

18. ახალი წლის პირველ დღეებში იაპონურ მაღაზიებში იყიდება ფუკუბუკურო - "ბედნიერების ტომარა"

ფუკუბუკურო ყოველთვის მოულოდნელი შესყიდვაა. შეფუთვისა და ყუთების შიგთავსი უცნობი რჩება მათ გახსნამდე. რა თქმა უნდა, მხოლოდ გადახდის შემდეგ. ერთ რამეში შეგიძლიათ დარწმუნებული იყოთ: იქ არსებული ნივთები იმაზე მეტი ღირს, ვიდრე გადაიხადეს. და გამოადგება თუ არა მყიდველს - ასევე იღბალის საკითხია.