x
მეტი
  • 28.03.2024
  • სტატია:134040
  • ვიდეო:353919
  • სურათი:508247
რასაც ეს ხალხი ეძებს, მათი ცხოვრება სამუდამოდ უნდა შეცვალოს... და ეს უკვე ისტორიად იქცა

image


ისტორიამ ახლად აღმოჩენილ საბადოებში ოქროს არაორგანიზებული მასობრივი მოპოვების სულ მცირე 30 ოქროს ციებ-ცხელების აფეთქება იცის. მტაცებლური მეთოდები და ძიების მასშტაბები ძნელი წარმოსადგენია, თუმცა ბრაზილიელი ფოტოგრაფის, სებასტიან სალგადოს ძალისხმევის წყალობით დღეს, არქივებში ამის ამსახველი სულ მცირე რამდენიმე ასეული ფოტო ინახება, რომელიც სერა - პელადას (ბრაზილია) მაღაროებში გაჩაღებულ ოქროს ციებ-ცხელებაზე ანუ თანამედროვე ისტორიაში ძვირფასი ლითონის ყველაზე დიდი რბოლის შესახებ მოგვითხრობს.


image


სებასტიან სალგადოს მიერ 1980-იან წლებში გადაღებული ეს ცნობილი ფოტოები ძიების მთელს მასშტაბს აღწერს: რამდენიმე ათასი მუშა ხელსაწყოებით "შეიარაღებული" მაღალი კიბეებით კარიერში ეშვება, რომელმაც ისინი საბოლოოდ უნდა გაამდიდროს. სალგადომ სახიფათო პირობებსა და სრულ სიგიჟეთსა და ქაოსში ძვირფასი ლითონის მაძიებელთა ყველაზე მომაჯადოებელი ფოტოები სწორედ ამ პერიოდში გადაიღო. ოქროს მაძიებელთა უმეტესობა კარიერიდან, რა თქმა უნდა, ცარიელი დაბრუნდება.


image


ყველაფერი კი იმით დაიწყო რომ რამდენიმე წლით ადრე, ამ ადგილიდან არც ისე შორს ბავშვმა 6 გრამიანი ოქროს ზოდი იპოვა. მოკლე დროში, აღნიშნული სიახლის შესახებ ინფორმაცია ახლომდებარე სოფლებში ვირუსივით გავრცელდა და მეზობელი სახელმწიფოების საზღვრებს უმალვე მიაღწია. სწრაფი გამდიდრების სურვილს აყოლილმა მაღაროელებმა და უბრალო, რიგითმა ადამიანებმა მსოფლიოს ყველა კუთხიდან სერა - პელადაში შეკრება დაიწყეს.

image


ერთ მომენტში ოქროს მაღაროში მუშების რაოდენობამ 100 000-ს მიაღწია. ხალხი საშინელ პირობებში ცხოვრობდა. თვითშექმნილ სოფლებსა და ქალაქებში, რომლებშიც ახალმოსახლეები დასახლდნენ - ძალადობა, მკვლელობა, მომაკვდინებელი დაავადებები და პროსტიტუცია ჰყვაოდა. ათასობით ახალგაზრდა გოგონა მზად იყო იქვე, მეზობელ ქალაქში, სადაც მუშები ცხოვრობდნენ თავი ოქროს ზოდისთვის გაეყიდა.


image


მუშები კარიერის ფსკერიდან მიწით ტომრებს ავსებდნენ. 30-60 კილოგრამიან ტომრებს დაახლოებით 400 მეტრის სიმაღლეზე ხის და თოკის კიბეებით მაღლა წევდნენ, რის შემდეგაც უკვე ოქროს საპოვნელად მიწის ცრას იწყებდნენ. თითო ასეთი ტომრისთვის მუშა დაახლოებით 20 ცენტს იღებდა, რასაც ოქროს ზოდის პოვნის შემთხვევში გარკვეული ბონუსიც ემატებოდა.

imageimageimageimageimage

ოქროს მოპოვება აქ 1986 წელს მას შემდეგ აიკრძალა, რაც კარიერი მიწისქვეშა წყლით დაიტბორა. დღეს, მის ადგილზე ტბაა, თუმცა გეოლოგების აზრით, მის ამღვრეულ წყალში შესაძლოა კიდევ 50 ტონამდე ოქრო იყოს.


imageimage



1980-იანი წლების მოვლენების შესახებ ბრაზილიამ მხატვრული ფილმი "სერა - პელადა" გადაიღო, რომელშიც მთავარ როლებს ვაგნერ მოურა, მათეუს ნაშტერგაელი და სოფი შარლოტა ასრულებენ. ფილმი ლათინური ამერიკის ქვეყნების მაყურებელმა თბილად მიიღო, თუმცა მას დასავლეთის კინოთეატრებამდე არასდროს მიუღწევია.


imageimageimageimage






0
382
შეფასება არ არის
ავტორი:მაკა ნიკვაშვილი
მაკა ნიკვაშვილი
Mediator image
382