ვრცელდა ვიდეო, სადაც ის მეგობრებთან ერთად მხიარულობს. ქვეყნის ლიდერი, 36 წლის სანა მარინი შესანიშნავ განწყობაზეა.

ვიდეოში, რომელიც, როგორც ჩანს, კერძო ბინაშია გადაღებული, ქალები მხიარულად ცეკვავენ და ანცობენ მობილური ტელეფონის კამერის წინ. ფინური მედიის ცნობით, ჩანაწერში ისმის სიტყვა "კოკაინი".

აჟიოტაჟური სცენების ფონზე, ფინელმა დეპუტატმა მიკო კარნამ კოალიციური ცენტრისტული პარტიიდან მოუწოდა პრემიერ-მინისტრს ნებაყოფლობით გაიაროს ნარკოლოგიური შემოწმება.

მარინმა უარყო ნარკოტიკების გამოყენება და დღეს დილით გამართულ პრესკონფერენციაზე განაცხადა, რომ მას "არაფერი აქვს დამალული და დასამალი". ”მე არ გამომიყენებია არანაირი ნარკოტიკი, ამიტომ ნარკოტიკებზე ტესტირება არ არის პრობლემა, მაგრამ მე ვფიქრობ, რომ საკმაოდ განსაკუთრებული ამბავია, რომ მსგავსი რამ გახდა საჭირო”, - განუცხადა მან ჟურნალისტებს კუოპიოში, რისალას აეროპორტში.

”მე არ მინახავს რაიმე მტკიცებულება იმისა, რომ რაიმე სადმე იყო გამოყენებული”, - დასძინა მან. პრემიერ-მინისტრმა ჟურნალისტებთან დაიცვა თავისი საქციელი და განაცხადა: „ვცეკვავდი, ვმღეროდი, ავღნიშნე, უკანონობა არაფერი ჩამიდენია“.

მან დაამატა, რომ ბევრიც არ დაულევია. უფრო ადრინდელ ვიდეოში მან ხელი დაარტყა მამაკაცს, რომელიც, მისი თქმით, რამდენიმე კვირის წინ იყო გადაღებული. იგი ღამის კლუბში ვიზიტის გამო, გასული წლის დეკემბერშიც გაეხვია სკანდალში, ის არ გადავიდა კარანტინში, როდესაც წვეულებაზე მყოფ მის კოლეგას კორონავირუსი დაუდასტურდა.