21 საუკუნე ტექნოლოგიების, კომპიუტერების, ინტერნეტისა და ბოლოს და ბოლოს სოციალური ქსელების საუკუნეა. დღეს ადამიანები, განსაკუთრებით კი თინეიჯერები და ახალგაზრდები ძალიან დიდ დროს ატარებენ კომპიუტერთან და შესაბამისად რეალური ურთიერთობებიც ვირტუალურმა ჩაანაცვლა.

ნაცნობ-მეგობრებთან ჩვეულებრივ ვსაუბრობთ ინტერნეტ საიტების საშუალებით. აღარც ტელეფონი გვჭირდება და ხშირ შემთხვევაში სახლიდან გასვლა და მათი ნახვაც გვეზარება. აგერ არ არიან ჩათში და აგერ არ ვწერთ, ზედმეტი წვალება რაღა საჭიროა.

თუმცა სოციალურ ქსელებს აქვს კიდევ ერთი დიდი პლიუსი. ჩვენ აქ არა მარტო ნაცნობ ადამიანებს ვეკონტაქტებით, არამედ ბევრ უცხო ადამიანსაც ვიცნობთ და ვიძენთ ახალ მეგობრებს. მეგობრობა ზოგჯერ რეალობაშიც გრძელდება. ზოგჯერ წყდება ან ინტერნეტ სივრცეს არ ცდება. მაგრამ ფაქტია, ინტერნეტში ადამიანები გაცილებით გახსნილები და მეგობრულები არიან ვიდრე ცხოვრებაში. ინტერნეტი საშუალებას გვაძლევს ვიყოთ ისეთები როგორებიც ვართ და სხვებსაც ჩვენი რეალური სახით გავეცნოთ.

დაწერეთ კომენტარებში თქვენი აზრიც, ვირტუალურ ნაცნობობასთან დაკავშირებით.