"ფეისბუქში" პოპულარულია ფოტო, რომელზეც აღბეჭდილია - ფილარმონიასთან პატიმრების წამების საწინააღმდეგო აქციის პარალელურად, როგორ კოცნის წყვილი ერთმანეთს. ფოტო გიორგი როდიონოვმა გადაიღო და "ფეისბუქის" საკუთარ გვერდზე გაავრცელა. სახელწოდებით - Tbilisi protests - they love!. ის 200-მდე "იუზერმა" გაავრცელა.
ვებმომხმარებელთა ნაწილი წყვილს პროვოკატორებს და მთავრობის მიერ დაქირავებულებს უწოდებს, ნაწილს კი, მოსწონს მათი ჟესტი და ფიქრობს, რომ ასეთი ადამიანების სიმრავლე გადაარჩენს ქვეყანას.
იუზერთა კიდევ ერთი ჯგუფი სხვა ქვეყანაში გადაღებულ ფოტოს ავრცელებს, რომელზეც აქციის დასარბევად გამზადებული სპეცრაზმი და შეყვარებული წყვილია გამოსახული და წერს, რომ ქართველმა ახალგაზრდებმა მათ მიბაძეს.