რატომ უნდა დახარჯო ფული რეკლამაში, როცა შეგიძლია უბრალოდ პერსონალი გააშიშვლო? შეერთებულ შტატებში ყავახანა "Bikini Beans Espresso"-ს მფლობელმა მიმტანების კასტინგი მოაწყო და ყველა მსურველს ორიგინალური "უნიფორმა" შესთავაზა.
რაც არ უნდა გაგიკვირდეთ, ვაშინგტონის შტატის კაფე "Bikini Beans Espresso"-ს ოფიციანტი გოგონები კლიენტებს დვრილებზე სტიკერ მიკრულები, ბიკინებსა და საცვლებში გამოწყობილები ემსახურებიან. ყავახანა 2014 წელს გაიხსნა და პოპულარობაც სწორედ თავისი ორიგინალური კონცეფციის წყალობით მოიპოვა.
კაფეში მომუშავე გოგონებს, არჩევანის სრული თავისუფლება აქვთ: ყავა ან საცვლებში გამოწყობილებმა მოამზადონ ან მკერდი დამაინტრიგებელი, სხვადასხვა ფორმისა თუ ფერის სტიკერებით გაიფორმონ. სტუმრები აღფრთოვანებულები არიან, რაზეც რესტორნების პოპულარულ საძიებო საიტ "Yelp"-ზე კაფის მყარი 5-ვარსკვლავიანი შეფასებებიც მოწმობს.
თუმცა მიმტანი გოგონების დრეს - კოდით უკმაყოფილოებიც გამოჩნდნენ. ქალაქის საკრებულოს წევრმა მაიკ ფაგანმა ასეთი პიარ - ტრიუკი ქალების ექსპლუატაციად შეაფასა: "ეს უნდა იყოს ყავაზე და არა სხეულზე, " და საჯარო დაწესებულებების თანამშრომელთა გარეგნობაზე საკანონმდებლო შეზღუდვების დაწესებაც მოითხოვა, თუმცა მას ამ ინიციატივაში მხარი არავინ დაუჭირა.
