უცნაური შემთხვევა მოხდა ინდოეთში.

ინდოეთში უზარმაზარმა ნიანგმა 10 წლის ბიჭი გადაყლაპა. ბავშვის მშობლებმა და ინდოეთის ქალაქ შეოპურასთან მდებარე სოფლის სხვა მაცხოვრებლებმა დაიჭირეს ქვეწარმავალი და ნიანგს "მოსთხოვეს", (?)რომ ბიჭის უკან ამოეღო. ამის შესახებ გამოცემა India Today წერს.

მტაცებელი ბავშვს 11 ივლისს დილით მდინარე შამბალში ბანაობის დროს დაესხა თავს და წყალში ჩაათრია. მომხდარის შესახებ თვითმხილველებმა ბიჭის ოჯახს ამცნეს. მათ ერთობლივი ძალებით შეძლეს ჯოხების, თოკისა და ბადის დახმარებით ნიანგის დაჭერა. ამასობაში შემთხვევის ადგილზე პოლიცია და ალიგატორობზე მონიტორინგის კონტროლ-ბრიგადა მივიდა. ისინი ცდილობდნენ გაცოფებული მოსახლეობისგან ეხსნათ ქვეწარმავალი, რომლებიც ლინჩის წესით მოკვლას აპირებდნენ, ბავშვის ოჯახი ნიანგის გაშვებაზე უარს ამბობდა: ახლობლებს იმედი ჰქონდათ, რომ ბიჭი ჯერ კიდევ ცოცხალი იყო.

ნათესავები მოითხოვდნენ "მტაცებელს ბავშვი უკან გადმოენთხია", - წერს ადგილობრივი მედია.

შედეგად, პოლიციისა და გარემოსდაცვითი ორგანიზაციების წარმომადგენლების ახსნა -განმარტების შემდეგ, სოფლის მოსახლეობა ნიანგის გათავისუფლებაზე მხოლოდ გვიან საღამოს დათანხმდა.