პროფესიული წარმატების მიუხედავად, შნაიდერს უსიამოვნებები ჰქონდა პირად ცხოვრებაში, 1981 წელს კი, ნამდვილი ტრაგედია დაატყდა თავს მისი შვილი უბედურმა შემთხვევამ იმსხვერპლა. ისევ დეპრესიაში ჩავარდნილი მსახიობი საკუთარ თავში ჩაიკეტა და არავისთან ურთიერთობდა გარდა დელონისა, რომელიც ყველანაირად ცდილობდა მის მხარდაჭერას.

რომი შნაიდერი 1982 წელს 29 მაისს გარდაიცვალა. ზოგი ამბობდა, რომ მან თავი მოიკლა, თუმცა მედიკოსთა დასკვნით, მსახიობი გულის შეტევით გარდაიცვალა. საყვარელი ქალის დაკრძალვის ორგანიზება დელონმა ითავა, რომელსაც როგორც ამბობენ, დღემდე მიაქვს შნაიდერის საფლავზე ალისფერი ვარდების ზუსტად ისეთი თაიგული, როგორც პირველი შეხვედრისას.