"ამომრჩეველთა განათლების საზოგადოების" (VES) დამფუძნებელი თამარ ჩერგოლეიშვილი, ჟურნალისტისა და სამოქალაქო აქტივისტის ლიკა ბასილაია-შავგულიძის ფეისბუქსტატუსს პირად გვერდზე ეხმაურება და "ევროპული საქართველოს" ლიდერის, გიგა ბოკერის საზოგადოებისადმი აქციაზე გასვლის მოწოდების კრიტიკის გამო მას შემდეგი ეპითეტით მოიხსენიებს:

"ამ ღლექალას ვინმემ გადასცეს რომ ჩვენს ამომრჩეველს ელაპარაკება ბოკერია და მათ შორის ბასილაიას მსგავსს გალაქტიკურ შტერებს არ განვიხილავთ და უბრალოდ გათიშოს.

ანუ არაფერ შუაშია ლიკა ბასილაია და ბოკერიას ბრიფინგი ერთმანეთთან.

არც კი დამესიზმრება, რომ ასეთ რეგვენს ჩვენთვის ხმის მოცემა უნდა და მას რამე უნდა ავუხსნათ.

გაცილებით მაღალი წარმოდგენა მაქვს ქართველ ერზე." - წერს "ტაბულას" დამფუძნებელი სოციალურ ქსელში და ლიკა ბასილაია-შავგულიძის ზემოაღნიშნულ პოსტს აზიარებს.

შეგახსენებთ, რომ დღეს, 20:00 საათზე, პარლამენტის წინ, მოძრაობა "სირცხვილიას" ორგანიზებით აქცია "შინ ევროპისკენ" გაიმართება, სადაც ხელისუფლების წინააღმდეგ გარკვეული მოთხოვნების გაჟღერებაც იგეგმება:

"24 ივნისს, 20:00 საათზე ყველანი შევიკრიბებით პარლამენტის წინ, რათა გამოვაცხადოთ მოთხოვნები ხელისუფლების წინააღმდეგ და უზრუნველვყოთ ის, რომ საქართველო კვლავ გახდეს ლიდერი ევროინტეგრაციის გზაზე, დაეწიოს მოლდოვას და უკრაინას", - განაცხადა შოთა დიღმელაშვილმა ევროპული საბჭოს გადაწყვეტილების შემდეგ გამართულ ბრიფინგზე.