კულტურა გარდაიცვალა იური შატუნოვი ჯგუფიდან "ლასკოვი მაი" 2022, 23 ივნისი, 17:00  ჯგუფ "ლასკოვი მაის" სოლისტი იური შატუნოვი 48 წლის ასაკში გარდაიცვალა. მოსკოვში გარდაიცვალა ჯგუფ "ლასკოვი მაის" ყოფილი სოლისტი იური შატუნოვი. ამის შესახებ ინფორმაცია პორტალ Lente.ru-ს ხუთშაბათს, 23 ივნისს დაუდასტურა მომღერლის დირექტორმა არკადი კუდრიაშოვმა, ინფორმაცია ასევე დაადასტურა სამედიცინო წრეების ორმა წყარომ. მომღერლის გარდაცვალების მიზეზი ინფარქტი გახდა. ის ღამით სასწრაფო დახმარების მანქანაში გარდაიცვალა. შატუნოვი 48 წლის იყო. იური შატუნოვი დაიბადა ბაშკირის ასსრ-ში 1973 წელს. მისი მშობლები განქორწინდნენ, როდესაც ის სამი წლის იყო, ხოლო 11 წლის ასაკში დედა გარდაიცვალა. მომავალმა ვარსკვლავმა თინეიჯერობის წლები გაატარა ბავშვთა სახლში, სადაც შეხვდა სერგეი კუზნეცოვს, თვითშემოქმედთა სამოყვარულო წრის ხელმძღვანელს - იმ მომენტიდან დაიწყო ჯგუფი "ლასკოვის მაის" თავბრუდამხვევი კარიერა. კუზნეცოვი იმ დროს ეძებდა შემსრულებელს თავისი სიმღერებისთვის და მისი არჩევანი შატუნოვზე შეჩერდა, თუმცა ახალგაზრდას არც მუსიკალური განათლება ჰქონდა და არც სიმღერის ძლიერი სურვილი. მიუხედავად ამისა, 1986 წლის ოქტომბერში კუზნეცოვმა დაწერა მისთვის პირველი სიმღერა "Вечер холодной зимы», შემდეგ კი— «Метель в чужом городе». 1980-იანი წლების ბოლოს, ანდრეი რაზინმა, ჯგუფი "მირაჟის" ადმინისტრატორმა, რომელიც იმ დროს ძალიან პოპულარული იყო სსრკ-ში, შეიტყო ახალგაზრდა მუსიკოსის შესახებ. მას სურდა შატუნოვი ვარსკვლავად ექცია და გამოუვიდა კიდეც, "ლასკოვი მაი" იმ პერიოდში ქვეყანაში ერთ-ერთ ყველაზე პოპულარულ ევრო-დენსი ჯგუფად აქცია. 1989-1990 წლების ზამთარში ჯგუფმა სრული ანშლაგით 13 სოლო კონცერტი გამართა მოსკოვის ოლიმპიისკის სპორტულ კომპლექსში. 1986-1988 წლებში შეიქმნა ჯგუფის ყველაზე ცნობილი ჰიტები -Белые розы», «Лето», «Седая ночь», «Пусть будет ночь», «Тающий снег» მიუხედავად "ლასკოვი მაის" უზარმაზარი პოპულარობისა, ჯგუფის შემდგომ კომპოზიციებს არ ჰქონიათ "თეთრი ვარდების" და "ჭაღარა ღამის" დონის წარმატება. 1991 წლის ოქტომბერში შატუნოვმა დატოვა ჯგუფი და დაიწყო ნაყოფიერი სოლო კარიერა - მის დისკოგრაფიაში შედის შვიდი სტუდიური ალბომი და ათობით მუსიკალური ვიდეო. იმავდროულად, მასსა და რაზინს შორის დაიწყო ბრძოლა "ლასკოვი მაის" სიმღერების შესრულების უფლებაზე - ამ უკანასკნელის თქმით, შატუნოვი ვერ იმღერებდა თავის ძველ ჰიტებს ძველი კონტრაქტის პირობების მიხედვით. 2022 წლის ივნისში დასრულდა რაზინსა და შატუნოვს შორის ხანგრძლივი სამართალწარმოება - ჯგუფის ყოფილმა სოლისტმა შეძლო სასამართლოს მეშვეობით დაებრუნებინა უფლება, შეესრულებინა "ლასკოვი მაის"მთავარი ჰიტები. თავად ჯგუფი ახლა განახლებული შემადგენლობით აგრძელებს საკონცერტო საქმიანობას. 407 5-ს მოსწონს |
  |
Intermedia.ge © 2011-2024 წელი
საავტორო უფლებები დაცულია
 |
FRE,GЕ შემოგვიერთდით მეგობრებო, ❤ ❤ ❤
ანონიმურობა აბსოლიტურად დაცულია. FRE,GЕ
❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤
№1 ქართული სოციალური ქსელი. FRE,GE ❤ ❤ ❤
FRE,GЕ შემოგვიერთდით მეგობრებო, ❤ ❤ ❤
ანონიმურობა აბსოლიტურად დაცულია. FRE,GЕ
❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤ ❤