კინო სხეულის რომელი ნაწილის რცხვენოდა ოდრი ჰეპბერნს ყველაზე მეტად! 2022, 18 ივნისი, 19:45 ძნელი დასაჯერებელია, მაგრამ ფაქტია: მე-20 საუკუნის ყველაზე ლამაზ ქალს, ოდრი ჰეპბერნსაც კი ჰქონდა კომპლექსები. კინემატოგრაფის ლეგენდა, მსოფლიო კინოს ისტორიაში დღემდე ერთ-ერთ ულამაზესს მსახიობად ითვლება. ნიჭისა და სილამაზის გარდა, მას კეთილი გულიც ჰქონდა, რისთვისაც ის ყველა ასაკისა თუ სქესის წარმომადგენელს ერთნაირად უყვარდა.ოდრი სათნოებითა და კაცთმოყვარეობით ბავშვობიდანვე გამოირჩეოდა, რასაც თავად გარშემომყოფების მხრიდან მოკლებული იყო. გოგონა მეორე მსოფლიო ომის რთულ პირობებში დედასთან იზრდებოდა: შიმშილობის ხანგრძლივმა თვეებმა კი გავლენა მომავალი ვარსკვლავის მეტაბოლიზმზეც იქონია.ცნობილი ბრიტანელი მსახიობისა და "სტილის ხატის" მცირე წონაც სწორედ აქედან იყო განპირობებული - XX საუკუნის ულამაზესს ქალად აღიარებული ოდრი ჰეპბერნი სულ რაღაც 45 კილოგრამს იწონიდა. ბევრს მისი მოხდენილი და ნატიფი სხეულის შურდა და ვერც კი ხვდებოდა თუ რითი იყო მისი ასეთი მეტისმეტი სიგამხდრე გამოწვეული.ჰეპბერნი ბალერინობაზე ოცნებობდა, რისთვისაც ის დიდხანს და თავდაუზოგავად შრომობდა, თუმცა მის გარშემო ყველა მხოლოდ ერთსა და იმავეს ამტკიცებდა - ოდრის ოცნებას ახდენა არ ეწერა, ვინაიდან მათი თქმით, გოგონა ამ პროფესიისთვის (ოდრი ჰერპბერნის სიმაღლე 170 სმ-ი გახლდათ) მეტისმეტად მაღალი იყო.შემდეგ გოგონამ თავი სამოდელო ბიზნესში სცადა, მოგვიანებით კი, დიდ კინოშიც მოხვდა, მაშინ როდესაც მას ყველა ერთხმად თანამედროვეობის ერთ-ერთ ულამაზესს მსახიობს უწოდებდა, ოდრი თავისი მთავარი "ნაკლის" (ყოველ შემთხვევაში, ასე ფიქრობდა მსახიობი) დამალვას ყველასგან გამალებით ცდილობდა, რომელსაც ის სავარადოდ, სწორედ ბალეტს "უმადლოდა".საქმე იმაში გახლდათ, რომ მსახიობს საკმაოდ დიდი ტერფები ჰქონდა, თუმცა დღეს ეს მიზეზი საკმაოდ სასაცილოდაც კი ჟღერს. ოდრის 41 ზომა ფეხის რცხვენოდა! თუმცა მისი 170 სმ-ის სიმაღლის ფონზე 41 ზომა სრულიად ნორმალურიც კი იყო, ან საერთოდ ამას რა მნიშვნელობა აქვს!თუმცა სწორედ ეს რჩებოდა ჰეპბერნის ყველაზე მთავარ კომპლექსად, რომლის "წყალობითაც" ცნობილი "ბალერინა-ფეხსაცმელებიც" (ე.წ. "ბალეტკები") კი შეიქმნა. ცნობილმა იტალიელმა ფეხსაცმლის დიზაინერმა, სალვატორე ფერაგამომ პერსონალურად ოდრისთვის მსახიობის თხოვნით ისეთი ფეხსაცმელი შეკერა, რომელიც მის ტერფებს ვიზუალურად საგრძნობლად ამცირებდა.
|