მსოფლიოს უდიდესი თვითმარქვია თაღლითი, რომელსაც სარგებელი არასოდეს უძებნია

25.04.2024
სტატია:134530
ვიდეო:351975
სურათი:508586

Array
(
    [get1] => სტატია
    [get2] => 150387-მსოფლიოს-უდიდესი-თვითმარქვია-თაღლითი-რომელსაც-სარგებელი-არასოდეს-უძებნ
    [get3] => 192
)

ბიოგრაფია

მსოფლიოს უდიდესი თვითმარქვია თაღლითი, რომელსაც სარგებელი არასოდეს უძებნია

2022, 9 ივნისი, 11:15

40 წლის წინ გარდაიცვალა მსოფლიო ისტორიაში ერთ-ერთი უდიდესი თვითმარქვია-ავანტურისტი ფერდინად(ფრედ) დემარა, კაცი, რომელიც მთელი ცხოვრების განმავლობაში წარმატებით იცვლიდა პროფესიებს, თავისი სიცოცხლის განმავლობაში მან შესანიშნავად გაართვა თავი სხვადასხვა პროფესიის შესრულებას - იყო მღვდელი, ქირურგი, სტომატოლოგი, ინჟინერი, ფსიქოლოგიის დოქტორი, ადვოკატი, ბავშთა უფლებების დაცვის ექსპერტი, პედაგოგი, რედაქტორი, ციხის უფროსის მოადგილეც კი! 1960 წელს მსახიობობაშიც მოსინჯა ძალები და ეპიზოდური როლი ითამაშა საშინელებათა ფილმშიც.

ფერდინანდ დემარა დაიბადა 1921 წლის დეკემბერში ქალაქ ლოურენსში (მასჩუსეტსის შტატი, აშშ). მამამისი ფერდინანდ უფროსი თეატრის და კინოს სფეროში ჰქონდა ბიზნესი, დედა ირლანდიელი ღრმად მორწმუნე კათოლიკე.ოჯახი მშობლებს სურდათ, ფერდინანდი სასულიერო პირი გამხდარიყო. 11 წლის იყო ფრედი, როცა მამა გაკოტრდა. ოჯახმა სახლი გაყიდა და საცხოვრებლად გარეუბანში გადავიდა. მალე ფრედს და გარდაეცვალა, რამაც მასზე ძალიან იმოქმედა.

16 წლის იყო, როდესაც ველოსიპედზე შეჯდა და სახლიდან გაიპარა. ერთხანს ფრედი ტრაპისტების მონასტერში ცხოვრობდა, სადაც ბერები ასკეტური ცხოვრებით ცხოვრობდნენ. ამასთან, მათ მდუმარების აღთქმა ჰქონდათ დადებული. ფრედი მალე ყველამ შეიყვარა, მაგრამ იგი გაუთავებელ ლაქლაქს ვერ გადააჩვიეს და უკანასკნელს წასვლა მოუხდა.

1941 წელს, 20 წლის ასაკში არმიაში ჩაეწერა, მაგრამ ვერ შეეგუა და გაიქცა. შემდეგ ფლოტში სცადა ბედი, მაგრამ მეზღვაურობაც მობეზრდა და სამხედრო – სამედიცინო აკადემიაში დაიწყო სწავლა. მალე სასწავლებლის ხელმძღვანელობამ სწავლის გაგრძელებაზე უარი უთხრა, რადგან სკოლა არ ჰქონდა დამთავრებული. ერთხელ სასწავლებელში რაღაც პროექტს წააწყდა, რომელსაც ავტორის საბუთებიც ახლდა კოლეჯის დამთავრებისა და ხარისხის მინიჭების შესახებ. მან ეს საბუთები გააყალბა და ფსიქოლოგიის დოქტორ რობერტ ლინდონ ფრენჩად იქცა. მოგვიანებით თვითმკვლელობის სცენა გაითამაშა და კვლავ ტრაპისტთა მონასტერს, ოღონდ ამჯერად სხვას, მიადგა. იქ სიხარულით მიიღეს. ახალბედა ბერებს ლოცვების დასაზეპირებლად წლები სჭირდებოდათ, მან ყველაფერი 2 კვირაში ისწავლა. დემარა იქ თავს შესანიშნავად გრძნობდა, მაგრამ ყურძნის კრეფისას სულმა წასძლია, ისე გამოძღა, რომ მუცლის გვრემა დაემართა და მთელი ღამე ვერ დაიძინა.

მალე ესეც დატოვა დემარამ, რადგან ერთ-ერთ მონაზონს ბავშვის ჩასახვაში "მიეხმარა" და გადავიდა ნიუ ჯერსიში, სადაც შეუერთდა პაულისტებს ოუკ რიჯში. როგორც "დოქტორი ფრენჩი", მან სხვადასხვა კათოლიკურ კოლეჯში სამუშაოზე განაცხადი შეიტანა და საბოლოოდ მოეწყო ფსიქოლოგიის მასწავლებლად განონის კოლეჯში (ამჟამად უნივერსიტეტი) ერიში, პენსილვანია. როგორც ფილოსოფიის სკოლის დეკანი, ის ასწავლიდა ზოგად ფსიქოლოგიას, ინდუსტრიულ ფსიქოლოგიას და არანორმალურ ფსიქოლოგიას. გამოაქვეყნა ბროშურა სახელწოდებით „როგორ აღზარდო შენი შვილი“, რომელიც კარგად მიიღეს. მაგრამ მას კოლეჯის დატოვება მოუხდა "სამწუხარო ინციდენტის შემდეგ, რომელიც ჩეკების გაყალბებას შეეხებოდა". ის მცირე ხნით იყო ბენედიქტინების სააბატოს წევრი .

ამის შემდეგ, დემარა მსახურობდა ლოს-ანჯელესის სანიტარიუმში სანიტრად, წმინდა მარტინის კოლეჯში (ამჟამად უნივერსიტეტი) ინტრუქტორად .მალე FBI-მ ის დაადგინა, რომ სკანდალური წარსული ჰქონდა – თაღლითი, დეზერტირი და ხაზინის გამფლანგველი იყო. ფრედი დააპატიმრეს და 18 თვე პატიმრობა მიუსაჯეს, თუმცა სანიმუშო ყოფაქცევის გამო 6 თვეში გაათავისუფლეს.

ციხიდან გამოსვლის შემდეგ სამედიცინო კოლეჯში დაიწყო მუშაობა. იქ კანადელ ექიმს, ჯოზეფ სერას დაუმეგობრდა. შეჰპირდა, აშშ-ში კარიერის გაკეთებაში დაგეხმარებიო, საბუთები გამოართვა და მისი საბუთებით თვითონ გახდა "დოქტორი სერა".

საბრძოლო ხომალდზე ქირურგად დაიწყო მუშაობა . ერთ დღეს მის ხომალდს კორეელების ხომალდი შეხვდა, ბორტზე 16 მძიმედ დაჭრილი ჯარისკაცი აიყვანეს.თითოეულ მათგანს ოპერაცია ესაჭიროებოდა. თვითმარქვია "ქირურგმა", რომელსაც აქამდე არასდროს ჰქონდა ოპერაცია ჩატარებული, პერსონალს ჯარისკაცების მომზადება უბრძანა და თავის კაიუტაში ჩაიკეტა, უცებ გადაშალა სამედიცინო წიგნი, მონახა შესაბამისი თავი, გადაიკითხა, შემდეგ ერთი ჭიქა რომი გადაკრა და თითოეულს ოპერაცია ბრწყინვალედ ჩაუტარა. არცერთი ჯარისკაცი არ გარდაცვლილა.

"დოქტორ სერაზე " და მის გმირობაზე მთელი კანადური პრესა ალაპარაკდა, შედეგად ეს ამბავი ნამდვილმა სერამაც გაიგო, დემარა მართალია არ დაუკავებიათ, თუმცა იძულებული გახდა აშშ-ში დაბრუნებულიყო.

გარკვეული ხნის შემდეგ დემარა ტეხასის შტატის ციხის უფროსად, ზედამხედველ ბენ როუზად იქცა. პატიმრებზე ისე ზრუნავდა, ყველას შეაყვარა თავი. წერა–კითხვის შემსწავლელი კურსები გახსნა, დომინოსა და შაშის ჩემპიონატებს აწყობდა, პატიმრებს თვითონ უყიდა მაგიდის ჩოგბურთის მთელი კომპლექტი და ციხის ხელმძღვანელობას პატიმრებისთვის ციხის კინოთეატრის გახსნას თხოვდა.

როცა იქაც გაირკვა მისი ვინაობა, გაიქცა და კ. ნორტ ჰეივენის სკოლაში მასწავლებლად მოეწყო მარტინ გაჰარტის სახელით. იმდენად კეთილი იყო, რომ სანტა- კლაუსი შეარქვეს. მას სურდა სამუდამოდ იქ დარჩენილიყო, მაგრამ მალე დააპატიმრეს სკოლასთან ახლოს და თაღლითობის ბრალდებით გაასამართლეს. სასჯელის მოხდის შემდეგ სკოლის დელეგაციამ დაბრუნება შესთავაზა, რაზეც დიდმა თვითმარქვიამ ნაღვლიანად უპასუხა:

“არ შემიძლია, იმ ბავშვებს ვასწავლო რამე, რომლებმაც იციან, რომ პროფესიონალი თაღლითი ვარ"

1960 წელს, როგორც სარეკლამო ტრიუკი, დემარას მისცეს მცირე სამსახიობო როლი საშინელებათა ფილმში The Hypnotic Eye. ის ჩნდება ფილმში, როგორც საავადმყოფოს (ნამდვილი) ქირურგი.

1960-იანი წლების დასაწყისში დემარა მუშაობდა ლოს-ანჯელესის სამაშველო მისიის ცენტრში.

1967 წელს მან მიიღო ერთადერთი ატესტატი თავის ცხოვრებაში:ბიბლიური კოლეჯის დიპლომი.

აღსანიშნავია, რომ უნიჭიერესი თაღლითი არასდროს ეძებდა რაიმე სარგებელს ან მატერიალურ კეთილდღეობას. დემარას მხოლოდ სოციალური სტატუსი და საზოგადო აღიარება აინტერესებდა.

ფრედ დემარა 1982 წლის 7 ივნისს(ზოგი წყაროთი 7ივლისს) 60 წლის ასაკში დიაბეტის გართულებით და გულის უკმარისობით გარდაიცვალა.

ფრენკ დემარაზე გამოცემულია წიგნები(მათ შორის ქართულ ენაზეც ორტომეულში "ქურდები და თაღლითები"ერთ ერთი თავი დემარას ეძღვნება).მასზე გადაღებულია მხატვრული ფილმი "უდიდესი თვითმარქვია"(The Great Impostor), მის როლს ტონი კერტისი ასრულებდა.