სხვა ტაილანდში რუსი მოდელი ორგიის დროს მე-8 სართულიდან გადმოვარდა ან გადმოაგდეს 2022, 5 ივნისი, 20:12 
ევგენია სმირნოვა გარდაიცვალა ფხუკეტში. ტრაგედიის შემდეგ ადგილობრივმა პოლიციამ ორი უცხოელი და ერთი რუსი ქალი დააკავა.
ელიტარული სახლის ეზოში სლავური გარეგნობის ქალის ცხედარი იპოვეს. გარდაცვლილი აღმოჩნდა 37 წლის ზრდასრულთა საიტის ვებ-კამერის მოდელი . 
ევგენია სმირნოვა აივნიდან ჩამოვარდნის შედეგად მიყენებული დაზიანებების შედეგად გარდაიცვალა. ქალს მარჯვენა ხელში თმის ბღუჯა ეჭირა. გვამი ექსპერტიზაზე გადააგზავნეს. ახლა ექსპერტიზა არკვევს, თუ ვის ეკუთვნის თმა, რომელიც გარდაცვლილს ხელში ჰქონდა ჩაბღუჯული, შესაძლოა სწორედ მან გადააგდო გოგონა აივნიდამ, თუმცა გამოძიება არც უბედურ შემთხვევას გამორიცხავს, რადგან აივნის ძელი საკმაოდ დაბალზეა, განსაკუთრებით საშუალო სტატისტიკური ევროპელისათვის. 
პოლიციამ დაადგინა, რომ მე-8 სართულის აივნის კარი, საიდანაც რუსი ქალი გადმოვარდა, ღია იყო, მაგიდაზე კი ალკოჰოლის ბოთლები და ჭიქები ეყარა. საწოლთან პრეზერვატივების შეკვრა იპოვეს. ერთი გახსნილი იყო. ბინაში ასევე აღმოჩინეს ნარკოტიკული საშუალება: ერთ გრამზე მეტი გამომშრალი კანაფი.
სამართალდამცავებმა გაარკვიეს, რომ აქ სექს-წვეულება გაიმართა. პოლიციამ სამი ადამიანი დააკავა, რომლებიც იმავე ბინაში იმყოფებოდნენ, საიდანაც მოდელი გადავარდა. 35 წლის რუსი ქალბატონი ნატალია კოსენკოვა, 38 წლის ამერიკელი ჯამაალ ანტოაუნ სმიტი და 28 წლის იორდანელი აჰმად რადი მუსტაფა ალატუმი. მათმა ჩვენებამ, წესით ნათელი უნდა მოჰფინოს მომხდარს.
პოლიცია ცდილობს გაარკვიოს, უბედური შემთხვევა მოხდა თუ ეს იყო მკვლელობა. იორდანელი ითვლება მთავარ ეჭვმიტანილად. მამაკაცი აეროპორტში იმ დროს დააკავეს, როცა ქვეყნიდან გასვლას ცდილობდა.
 789 3-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
