პრეზიდენტმა ვლადიმერ პუტინმა გააფრთხილა დასავლეთი, რომ რუსეთი ახალ სამიზნეებს დაარტყამს, თუ აშშ უკრაინას უფრო შორი რადიუსის რაკეტების მიწოდებას დაიწყებს, იტყობინება საინფორმაციო სააგენტო ТАСС კვირას, 5 ივნისს. თუ ასეთი რაკეტები იქნება მიწოდებული, „ჩვენ დავრატყამთ ისეთ სამიზნეებს, რომლებზე იერიში ჯერ არ მიგვიტანია“, – განაცხადა პუტინმა სახელმწიფო ტელეარხ „როსია-1“-თან ინტერვიუში.

პუტინმა არ დაასახელა ის სამიზნები, რომლის განხორციელებასაც რუსეთი გეგმავს, თუ დასავლეთის ქვეყნები უკრაინისთვის უფრო გრძელი რადიუსის რაკეტების მიწოდებას დაიწყებენ .

უკრაინა ეძებს მრავალჯერადი სარაკეტო სისტემებს (MLRS), როგორიცაა M270 და M142 HIMARS, რათა დაარტყას რუსეთის ჯარებსა და იარაღის მარაგებს ფრონტის ზურგში.

აშშ-ს პრეზიდენტმა ჯო ბაიდენმა ამ კვირაში განაცხადა, რომ აპირებს უკრაინას მიაწოდოს HIMARS ზუსტი მართვადი სარაკეტო სისტემები მას შემდეგ, რაც მიიღო კიევისგან გარანტიები, რომ ის არ გამოიყენებს მათ რუსეთის შიგნით სამიზნეებზე დასარტყმელად.

მიუხედავად იმისა, რომ რუსი ოფიციალური პირები აფრთხილებენ, რომ აშშ-ს გადაწყვეტილებას, მიაწოდოს უკრაინას მოწინავე სარაკეტო სისტემები, შესაძლოა კონფლიქტის გამწვავება გამოიწვიოს.

პუტინმა განაცხადა, რომ ეს არ გამოიწვევს რაიმე ფუნდამენტურ ცვლილებას ბრძოლის ველზე.

„ჩვენ გვესმის, რომ ეს მიწოდება (მოწინავე სარაკეტო სისტემების) შეერთებული შტატებიდან და ზოგიერთი სხვა ქვეყნიდან გამიზნულია სამხედრო აღჭურვილობების დანაკარგების ასანაზღაურებლად, აქ ახალი არაფერია, ეს არსებითად არ ცვლის სიტუაციას."-აღნიშნა რუსეთის პრეზიდენტმა.