სუროგაციის ცენტრის ხელმძღვანელი, მარიამ კუკუნაშვილი სოციალურ ქსელში პოსტს აქვეყნებს, სადაც ქალების წინააღმდეგ დისკრიმინაციისა და ძალადობის შემთხვევების შესახებ აპროტესტებს. "ნიუ ლაიფის" დამფუძნებელი, საქართველოში მცხოვრებ ყველა ქალს მოუწოდებს საკუთარი უფლებების დაცვისკენ და უსამართლობის გაპროტესტებისკენ:

"ქალები ცოცხლად დაწვის შიშით ცხოვრობდნენ, იმ შემთხვევაში, თუ ისინი რაიმე სახით კითხვის ნიშნის ქვეშ დააყენებდნენ კულტურულ ნორმებს და საფრთხეს შეუქმნიდნენ პატრიარქატს. ქალის დაწვა კანონით შემოსაზღვრულ ადგილზე კი არ ხდებოდა, არამედ სახალხოდ, დემონსტრაციულად, რათა ქალებს კიდევ უფრო ღრმად გასჯდომოდათ შიში კაცების და მტანჯველი პატრიარქატისა. 15-18 საუკუნის ევროპაში 9 მილიონი ქალი შერაცხეს გიჟად, ეშმაკად და ცეცხლზე დაწვეს.

როგორც აღნიშნული თემის მკვლევარი, ანა ბარსტონი აღნიშნავს, სასამართლო სისტემაში, ყველა ის პირი, ვისაც ქალების დაწვაზე განაჩენი გამოჰქონდა, კაცი იყო. ასე დაშინებით და ცეცხლზე დაწვით დაიმონეს კაცებმა ქალები და მათ კონტროლს დაუმორჩილეს ქალის სხეული, გონება, სექსუალობა, შრომა, თვითშეფასება და სხვა უფლებები…