ფეხბურთი "სიღარიბის გამო არ მიმიღეს თბილისის "დინამოში" და მეც და მამაც ტირილით წამოვედით" - 10 წლის ფეხბურთელის წერილი საფრანგეთიდან 2022, 20 მაისი, 14:29 10 წლის გიორგი ბეწუკლიშვილი, რომელიც საფრანგეთის ერთ-ერთი ქალაქის საფეხბურთო კლუბის შემტევი თავდამსხმელია, საკუთარი თანხით უკრაინელი ხალხისა და ტელეკომპანია „მთავარი არხის“ დახმარებას გეგმავს. წერილი პატარა ფეხბურთელმა სოციალურ ქსელში გამოაქვეყნა (სტილი დაცულია) "მოგესალმებით ყველას. მე გიორგი ვარ უკვე 10 წლის. ემიგრანტი საფრანგეთიდან. მე ვარ საფრანგეთის ერთერთი ქალაქის საფეხბურთო კლუბის შემტევი თავდამსხმელი ფეხბურთელი. როდესაც საქართველოში ვცხოვრობდით მძიმე სიღარიბის გამო არ მიმირეს დინამო თბილისის საფეხბურთო კლუბში იმიტომ რომ ღარიბები ვიყავით და მეც და მამაც ტირილით წამოვედით. კარგათ მახსოვს რომ მამა არ მანახებდა ცრემლებს და ძალიან განიცდიდა. ისიც მახსოვს რომ არც შუქი გვქონდა და არც გაზი. ჩვენ ერთერთ ყოფილ ფოსტის უმოქმედო შენობაში ვცხოვრობდით თემქაზე. ვიყავით სოციალურად დაუცველები. მახსოვს ჩემს დეებს სკოლაში დასცინოდნენ იმის გამო რომ 21 საუკუნეში შეშის ფეჩით ვთბებოდით და ბოლის სუნი აგდითო. მახსოვს როდესაც უარით წამოვედით და ჩემხელა ბავშვები დარბოდნენ სტადიონზე ძალიან მინდოდა მეც მათნაირად ფორმა მცმოდა და მეთამაშა მაგრამ არ მიგვიღეს ადგილები არ გვაქვსო. უარით გამოგვისტუმრეს . ტირილით წამომიყვანა მამამ და მასაც ვამჩნევდი რომ თვალებზე ცრემლებს მალავდა. აი იმ დღიდან გადავწყვიტე რომ პროფესიონალი ფეხბურთელი გავმხდარიყავი და გაჭირვებული ადამიანებს დავხმარებოდი. ამ მძიმე პირობების და ამ უსამართლობის გამო ჩემს მშობლებმა მიიღეს გადაწყვეტილება რომ საქართველო დაგვეტოვა და წამოვედით საფრანგეთში. უფლის წყალობით ჩემს თანატოლებში 3 ჯერ გავხდი ბომბარდირი და ამ სეზონში კი საუკეთესო შემტევად დამასახელეს. ყველაზე მეტი გოლი გავიტანე და როცა ყოველ შაბათ დღეს თამაში მაქვს მამა ყოველ გატანილ გოლზე ჯერ 5 ევროს ახლა კი 10 ევროს მაძლევს და ვაქუჩებდი ამ თანხას და გაჭირვებულ ოჯახს გამოვუგზავნე საქართველოში. ეს ჩემი ორი ოჯახის დახმარება იყო და ეხლა კი მესამეთ ვაპირებდი გადმოგზავნას რათაჩემი ნაშრომით მცირედით მაინც გამეხარებინა ვისაც ძალიან ჭირდებოდა. დღეს დღეობით ჩემს სიკეთის კულაბაში 110 ევროა და ვაპირებდი გამოგზავნას უკრაინელი ოჯახის დასახმარებლად . თუმცა სეზონის დამთავრებამდე კიდევ მაქვს დარჩენილი თამაშები და ყველაფერს გავაკეთებ და ვიბრძოლებ რათა სიკეთის გოლები გავიტანო და სიკეთის კულაბაში გავზარდო თანხა. მინდა ჩემი ნაშრომი რაც მომიქუჩნდება გავყო და ნახევარი უკრაინელ ოჯახს დავეხმარო და ნახევარი მთავარ არხს გადმოვუგზავნო . თავს არ დავზოგავ რათა ჩემი მცირედი შრომით პატარა წვლილი შევიტანო ჩემს საქართველოს სიტყვის თავისუფლების ბრძოლაში. დიდება უფალს დიდება საქართველოს. მიყვარხართ თქვენი გიორგი საფრანგეთიდან" - წერს გიორგი. 1571 5-ს მოსწონს |
ახლა მეორე,შემტევი თავდასხმელი რას უნდა ნიშნავდეს ნეტა :) საკუთარი პოზიციის დასახელება არ იცის და უკვე რამხელა ამბიცია აქვს. თავდასხმელი თავდასხმელია და შემტევის დამატება აღარ უნდა. ალბათ,შემტევ ნახევარმცველს გულისხმობდა. 10 ბოვშია და მამა ჯიგრობს,გოლს თუ გაიტან 5 ევროს გაჩუქებო და ამას რა ამბიციები აქვს თურმე. 10 წლის ასაკში რო ფულის გამო გატანაზე იფიქრებ,20 წლის ასაკში მიმტანად მოგიწევს მუშაობა. ამ ასაკში ფეხბურთის თამაში უნდა გსიამოვნებდეს,თორე ეგრე არაფერი გამოვა და სხვა ქართველი ფეხბურთელებივით მოიქცევა,ფულს დახამდე და წავა სადღაც ტრ***. ქუთათელაძე იყო პსჟ აკადემიაში,მაგარი ბიჭიაო მთელი საქართველო გაიძახოდა და რუსეთის ჩემპიონატში წავიდა ტიპი 19 წლის ასაკში.
და მესამე,სიმწრით მოგროვებულ ფულს რო გვარამიას გადასარჩენად გადარიცხავ,არც ტვინში ექნება ყველაფერი წესრიგში. ამ ხალხმა ბევრი ფული მოიპარა და ახლა ღარიბები უგროვებენ ფულს მდიდრებს,ანომალიაა ხო? უკრაინის დახმარება გასაგებია და კარგი საქმეა,მარა მთავარი არხის დახმარება რატო შვილო?! ვინც სიღარიბეში ჩაგაგდო,რატო ეხმარები და რატო იზომბებ თავს პატარა ასაკიდანვე. მთავარი არხის ყველაზე წყალწაღებული "ჟურნალისტის" ხელფას გადახედე და მიხვდები რასაც ვიძახი. საცოდაობა და ტვინგამორეცხილობა მეტი გინდა,ბავშვს მთავარ არხს აყურებინებდე და ამ ასაკიდანვე მიშაენდნიკაფრიის აყვირებდე