სოფო ლილუაშვილის თქმით, მეუღლის, ნიკა გვარამიას დაპატიმრებას არ ელოდა. ამის შესახებ მან "ნანუკა ჟორჟოლიანის შოუში" განაცხადა.
"ძაან რთულია. არ ველოდი, გულწრფელად არ ველოდი, მხოლოდ იმის თქმა შემიძლია ახლა, რასაც ჩემ შვილებს ვეტყვი სკოლიდან რომ გამოვლენ - გამაგრდნენ, გავერთიანდეთ და ნიკასთან ერთად, ყველამ ერთად მოვიპოვოთ თავისუფლება" - განაცხადა სოფო ლილუაშვილმა.
ნიკა გვარამიას მეუღლემ ასევე აღნიშნა, რომ იგი მადლობას უხდის ხელისუფლებას, რადგან ნიკა დასვენებასა და გამოძინებასაც მოასწრებს ციხეში.
"მადლობა მინდა გადავუხადო ხელისუფლებას... ძალიან მინდოდა ნიკას დაესვენა და გამოეძინა... ეს პერიოდი ამისთვის საკმარისი იქნება და მალე გამოვა"- განაცხადა სოფო ლილუაშვილმა.
