რამდენიმე დღის წინ, ნოე სულაბერიძეს მის გადაცემაში წინასწარმეტყველი ლელა კაკულია ჰყავდა მიწვეული, სადაც მან გააკეთა განცხადებები რუსეთ-უკრაინის ომთან დაკავშირებით. ასევე მან ისაუბრა საქართველოს პატრიარქზე და თქვა, რომ ახლო მომავალში ახალი პატრიარქი მოვა.

„შავ ზღვასთან დაკავშირებით იქნება დიდი შეჯახებები, მაგრამ პუტინი აქაც წააგებს. რუსული სამხედრო ხომალდი წავა ფსკერზე. ეს ადრე მაქვს დაწერილი. ზღვაზე რომ გავდივარ, ზღვის ნაპირთან მივდივარ, რომ კიდევ შევამოწმო, ხილვაში ხომ არ შეიცვალა რამე. დადარაჯებული ვარ, მაგრამ არა. ქართულ-ამერიკულ დროშას ვხედავ. ამერიკა გადამრჩენელია საქართველოსი“, - განაცხადა კაკულიამ.

მან ასევე ისაუბრა მოსალოდნელ საფრთხეებზე და თქვა, რომ ჩინეთ-რუსეთის ომიც გარდაუვალია, რომელსაც პუტინი დაიწყებს, თუმცა დამარცხდება.