რუსთავში არასრულწლოვანების მიმართ გარყვნილი ქმედების ბრალდებით, პედაგოგი დააკავეს - ამის შესახებ ინფორმაციას ადგილობრივი მედია "ინფო რუსთავი" ავრცელებს.

გამოცემის ცნობით, ხუთამდე მოსწავლე აცხადებს, რომ მასწავლებელი მათ ხელით სხვადასხვა ადგილზე ეხებოდა. მომხდარის შესახებ ინფორმირებულია სკოლის ხელმძღვანელობაც.

პედაგოგების ნაწილის თქმით, მსგავს ფაქტს ადგილი არ ჰქონია და მათთვის წარმოუდგენელია ის, რასაც მოსწავლეები ამბობენ. ბრალს უარყოფს დაკავებულიც.

არსებული ინფორმაციით, სასამართლომ მასწავლებელს აღკვეთის ღონისძიების სახით, 2-თვიანი პატიმრობა შეუფარდა.