კისერზე, ყურისა და სხეულის სხვა მიდამოზე არსებულ მსგავს ამობურცულ ნაწილს ეპიდერმოიდულ კისტას უწოდებენ. ეს საკმაოდ გავრცელებული პრობლემაა, რომელიც დიდად არ აწუხებს პაციენტებს და მხოლოდ ესთეტიკურ დისკომფორტს განიცდიან. რა არის ეს კისტა? არის ის საშიში? როგორ დავაღწიოთ მას თავი? ამ და სხვა კითხვებზე პასუხს გავცემთ სწორედ დღევანდელ სტატიაში.

კისერსა და ყურის მიდამოზე თუ გაქვთ მსგავსი რამ, ეს სტატია უნდა წაიკითხოთ!

მსგავსი კისტები შეიძლება ყველა იმ ადამიანს აღმოაჩნდეს, ვინც პუბერტატულ ასაკს უკვე მიაღწია. (პუბერტატულ პერიოდს ხშირად უწოდებენ გარდატეხის ასაკს. გულისხმობენ მოზარდ ორგანიზმში მიმდინარე მნიშვნელოვან პროცესებს, რომლებიც განვითარების ერთი სტადიიდან მეორეში გადასვლასთანაა დაკავშირებული. )

ექიმები აღნიშნავენ, რომ ყველაზე ხშირად, ეპიდერმოიდული კისტა უჩნდება მათ, ვინც ოდესღაც იტანჯებოდა ან ახლაც აქვს აკნე. ის წარმოიქმნება დახურული დერმის ღრუს სიღრმეში, რომელიც შედგება ეპიდერმისის ან ფოლიკულების ეპითელიუმისგან. ღრუ ივსება რქოვანი მასებით და ცხიმოვანი ჯირკვლების პროდუქტებით.

მაშინაც კი, თუ კისტა არანაირ დისკომფორტს არ შეგიქმნით, ყოველთვის რეკომენდირებულია ექიმთან კონსულტაცია, რადგან კანის გარკვეული ტიპის კიბო ზოგჯერ შეიძლება განვითარდეს კისტადან.

ეპიდერმოიდული კისტა ჩვეულებრივ მრგვალი ან ოვალური ფორმისაა. ფერი მერყეობს თეთრიდან ყვითლამდე სხვადასხვა ტონის გაჯერებით, რაც დამოკიდებულია პაციენტის ბუნებრივი ფერის ტიპზე. ზომით, ის იშვიათად აღემატება 2 სმ-ს.ზოგიერთ შემთხვევაში, კისტას აქვს ხვრელი, რომელზე თითის დაჭერისას შეიძლება გამოირჩეოდეს შიგთავსით.

თვითონ კისტა არ არის საშიში, მაგრამ რისკი იზრდება, როდესაც ინფექცია შეიჭრება ან ზომაში ზრდას დაიწყებს. მსგავს შემთხვევაში, დაუყოვნებლივ უნდა მიმართოთ ექიმს. თუ ეპიდერმოიდული კისტა მთლიანობაში არანაირ დისკომფორტს არ გიქმნით და ექიმმაც არ გამოთქვა მისი სასწრაფოდ მოცილების აუცილებლობა, სანერვიულო არაფერია.