იტალიის პრემიერ-მინისტრი: ომის ბაბუას ომის გაგრძელება უნდა და მასთან დარეკვა დროის კარგვაა.

მარიო დრაგი მოჰყვა დეტალებს, თუ როგორ ესაუბრა რუსეთის ფედერაციის პრეზიდენტს.

პუტინს ომის გაგრძელება სურს და არ უნდა ვლადიმერ ზელენსკისთან შეხვედრა მოლაპარაკებებისთვის. რუსეთის ფედერაციის პრეზიდენტთან საუბარი კი დროის კარგვას ჰგავს.

ეს განცხადება იტალიის პრემიერ-მინისტრმა მარიო დრაგიმ Corriere Della Sera-სთვის მიცემულ ინტერვიუში გააკეთა.

მანამდე პრემიერი პუტინს ტელეფონით ესაუბრა. აინტერესებდა, შეიძლებოდა თუ არა მისი შეჩერება დიპლომატიური საუბრით. თუმცა პურინს ყველაფერზე ერთი პასუხი აქვს, რაც იტალიის პრემიერისთვის გაუგებარია.

"სატელეფონო საუბარში ვუთხარი, რომ ვურეკავდი მშვიდობაზე სასაუბროდ. ვკითხე: "როდის ხვდები ზელენსკის? მხოლოდ თქვენ ორს შეგიძლიათ იპოვოთ გამოსავალი." მან მიპასუხა: "ჯერ არ მოსულა დრო." მე დაჟინებით ვეუბნებოდი, რომ ცეცხლის შეწყვეტაზე გადაწყვეტილება მიეღოთ, მან კი ისევ მიპასუხა:" ჯერ არ მოსულა დრო".

დრაგის თქმით, პუტინი ბუჩას ამბებამდე ესაუბრა რუსული გაზის რუბლით გადახდაზე. ამის შემდეგ თანამოსაუბრეები რამდენიმე დღეში შეხვედრაზე შეთანხმდნენ და დაემშვიდობნენ ერთმანეთს. შემდეგ კი მსოფლიომ ნახა რუსი დამპყრობლების ომის დანაშაულები ბუჩაში.

”ვფიქრობ მართალი არიან ისინი, ვინც ამბობენ, რომ უსარგებლოა მასთან საუბარი, ეს უბრალოდ დროის კარგვაა. მე ყოველთვის ვიცავდი მაკრონს და მიმაჩნდა, რომ მაქიმალურად დიალოგით უნდა გადაწყვეტილიყო ეს ყველაფერი, მაგრამ შემექმნა შთაბეჭდილება, რომ ომის საშინელება, მისი ხოცვა-ჟლეტით, იმით, რაც მათ გაუკეთეს ბავშვებსა და ქალებს, სრულიად დამოუკიდებელია განხორციელებული სატელეფონო ზარებისგან“, - დაასკვნა დრაგიმ.

შეგახსენებთ, რომ ადრე საფრანგეთის პრეზიდენტმა ემანუელ მაკრონმა განმარტა, თუ რატომ ურეკავდა ხშირად ომის ბაბუას უკრაინაში რუსეთის ფედერაციის სრულმასშტაბიანი შეჭრის შემდეგ. მისი თქმით, ამას ვლადიმირ ზელენსკი სთხოვდა.