ამის შესახებ პურის მწარმოებელთა ასოციაციის ხელმძღვანელმა მალხაზ დოლიძემ, “ბიზნესპრესნიუსთან“ განაცხადა.

"თუ ფქვილისა და ხორბლის ფასის მატების ტენდენცია შენარჩუნდა, მაისის შემდეგ, პური სავარაუდოდ, 20 თეთრით გაძვირდება."

მაღაზიების ნაწილში ზოგიერთი პურის სახეობა 10 თეთრით გაძვირდა. კერძოდ, პური, რომელიც გუშინ 1.05 ლარი ღირდა, დღეს მომხმარებელს მისი შეძენა 1.15 ლარად მოუწია, 1.10-ლარიანი პური კი 1.20 ლარი გახდა. მასობრივი წარმოების პურზე ფასის ზრდას, პურის მწარმოებელთა ასოციაციის ხელმძღვანელი გამონაკლის შემთხვევებს უწოდებს.

„პურის 10 თეთრით გაძვირების ფაქტს არ ვადასტურებ. ასეთი რამ ქარხნის პურთან დაკავშირებით მასიურად არ მომხდარა. არის რიგი შემთხვევები, როცა საცხობები, რომელთა პროდუქციაც ადრე შეუფუთავი იყო, ახლა შეფუთვით გამოდის და შესაბამისად, უფრო ძვირია.