x
მეტი
  • 28.03.2024
  • სტატია:134035
  • ვიდეო:353919
  • სურათი:508247
ფრანგული ფუნთუშების და საფუარიანი ფენოვანი ცომის რეცეპტი
image


ინგრედიენტები ცომისთვის:


ფქვილი – 700 გრ.

მარილი – 2 ჩ. კ.

შაქარი – 80 გრ. (4 ს. კ.)

მშრალი საფუარი – 10 გრ.

კვერცხი – 2 ცალი

რძე – 350 მლ.

კარაქი – 60 + 200 გრ.


ინგრედიენტები გულსართისთვის:


რძე – 0, 5 ლ.

შაქარი – 100 გრ.

შაქრიანი ვანილინი – 1 ჩ. კ.

ფქვილი – 1, 5 ს. კ.

კვერცხი – 2 ცალი

ქიშმიში – 200 გრ.

კვერცხის გული, 2 ს. კ. რძე და 1 ჩ. კ. შაქრიანი ვანილინი – გადასასმელად


მომზადება:


საფუარიანი ფენოვანი ცომი


I. ღრმა თასში ჩააცერით ფქვილი > დაამატეთ მარილი, შაქარი, საფუარი > ყველაფერი ერთმანეთს კარგად შეურიეთ > დაამატეთ კვერცხი სათითაოდ, თან დაბალ სიჩქარეზე, მიქსერით ურიეთ > დაამატეთ რძე > თქვიფეთ ერთგვაროვანი მასის მიღებამდე და ბოლოს დაამატეთ კარაქი > მოზილეთ ცომი მიქსერის დაბალ სიჩქარეზე > გადმოიტანეთ ცომი დაფაზე და ხელით გააგრძელეთ ზელა > გადაიტანეთ ისევ თასში > გადააკარით ზემოდან სამზარეულოდ აპკი და დადგით თბილ ადგილზე 2 სთ–ით.

შენიშვნა: ცომის გაკეთება პურის საცხობშიც შეიძლება. ინგრედიენტები საცხობის ფორმაში იმ თანმიმდევრობით მოათავსეთ, რაც თქვენი საცხობის ინსტრუქციაში წერია და ჩართეთ ცომის მომზადების რეჟიმზე.

II. ცომი უნდა გაორმაგდეს > ამოიღეთ ცომი თასიდან, გააბრტყელეთ 1 თითის სისქეზე > მოათავსეთ პოლიეთილენის პარკში და შედეთ მაცივარში, მინიმუმ 8 სთ–ით > მაცივრიდან გამოღების შემდეგ, გააბრტყელეთ ცომი 1 სმ–ს სისქეზე > მოათავსეთ ცივი კარაქი პერგამენტის ორ ფურცელ შორის, ჯერ გასაბრტყელებლით დაბეგვეთ და როდესაც დარბილდება, გააბრტყელეთ. მისი ზომა ცომის ზომის ნახევარი უნდა იყოს.



image


კარაქი მოათავსეთ ცომის ერთ მხარეს და მეორე ზემოდან გადმოაფარეთ > დაუმაგრეთ კიდეები გასაბრტყელებლით > გააბრტყელეთ კარაქიანი ცომის ფენა 1 სმ–ს სისქეზე და დაკეცეთ სამად:


image


III. მოათავსეთ ცომი პოლიეთილენის პარკში და შედეთ მაცივარში, ნახევარი საათით > მაცივრიდან გამოღების შემდეგ, გააბრტყელეთ 1 სმ–ს სისქეზე > ისევ სამად დაკეცეთ და კიდევ 30 წთ–ით მოათავსეთ მაცივარში > მაცივრიდან გამოღების შემდეგ, პროცედურა გაიმეორეთ (გააბრტყელეთ და სამად დაკეცეთ) და მისი შემდგომი გამოყენებისთვის, მაცივარში ან საყინულეში შეინახეთ.


ფრანგული ფუნთუშები


ფრანგული ფუნთუშების მოსამზადებლად, ცხობამდე 1 დღით ადრე, გაყინული ცომი მაცივრის ზედა თაროზე (საყინულედან ყველაზე შორს მდებარე თაროზე) მოათავსეთ, რომ გალხვეს.

I. ქიშმიში გადაარჩიეთ, გარეცხეთ > მოათავსეთ პატარა თასში და ცხელი წყალი დაასხით, რომ დალბეს > წყალი რომ შეგრილდება, წყლიდან ამოწურეთ და გასაშრობად, სამზარეულოს პირსახოცზე გაშალეთ.

II. ათქვიფეთ კვერცხი და შაქარი > დაამატეთ ფქვილი და ისევ ათქვიფეთ > შეათქვიფეთ ნელ–ნელა 1 ჭ. რძე > დაამატეთ დარჩენილი რძე და თქვიფეთ, ერთგვაროვანი მასის მიღებამდე > დადგით ცეცხლზე, თან სულ ურიეთ > ადუღების შემდეგ, ხარშეთ 5–7 წუთი, ვიდრე მასა არ შესქელდება > გადმოდგით ცეცხლიდან და როდესაც შეგრილდება, დაამატეთ ვანილინი.

III. გააბრტყელეთ ცომი > გადაუსვით კოვზით ცივი კრემი > ზემოდან თანაბრად გაანაწილეთ ქიშმიში.


image


IV. გადაახვიეთ ცომი > აიღეთ ჩვეულებრივი ძაფი, რომელიც გამოიყენება კერვისთვის, მოათავსეთ ხვეულის ქვევით > ძაფის ბოლოები გადააჯვარედინეთ და ერთმანეთის საპირისპირო მიმართულებით გაქაჩეთ – ხვეულს ნაწილი ჩამოეჭრება. თითოეული ნაჭრის სიგანე 2 სმ. უნდა იყოს > მოათავსეთ ხვეულები პერგამენტზე, საცხობ ფირფიტაზე, ერთმანეთის დაშორებით > გადააკარით ზემოდა სამზარეულოს აპკი.


image


V. როდესაც ცომი საკმარისად გაფუვდება, შეურიეთ ერთმანეთს კვერცხის გული, რძე, ვანილინი და ფუნჯით გადაუსვით ხვეულებს > გამოაცხვეთ 180ºС–ზე, წინასწარ გახურებულ ღუმელში > ფუნთუშები პრიალა რომ იყოს, ღუმელიდან გამოღების შემდეგ, შეგიძლიათ სილიკონის ფუნჯით, შაქრის სიროფი (100 მლ. წყალი + 1 ს. კ. შაქარი) გადაუსვათ.


image

image


imageimageimageimage



0
123
1-ს მოსწონს
ავტორი:ლალი ადიკაშვილი
ლალი ადიკაშვილი
Mediator image
123
  
კომენტარები არ არის, დაწერეთ პირველი კომენტარი
0 1 0