საზოგადოება
"ჩემი "ვიდით" აღშფოთებულო ფასიანო და უანგარო "ქოცებო" - რა მიმართვას ავრცელებს ირინა სარიშვილი
2022, 26 მარტი, 19:03
პოლიტიკოსი ირინა სარიშვილი სოციალურ ქსელში პოსტს ავრცელებს და საკუთარი გარეგნობისა და საუბრის მანერით აღშფოთებულ - შეშფოთებულ "ქართული ოცნების" მხარდამჭერებს საჯაროდ მიმართავს.
"1. კევს ვღეჭავ, იმიტომ რომ ლაპარაკის ნაცვლად, ხველა არ მოგასმენინოთ;
2. აჩაჩულ-დაჩაჩული და გაჩეჩილიც ძაან მშვიდად ვარ – ჯონსონმა ყველანაირი კომპლექსი მომიხსნა;
3. ცუდ სიტყვებს ვამბობ იმიტომ რომ ჩემი განათლება და ინტელექტი მეტს ვერ ქაჩავს.
ასე რომ, ვანოს შოუში ჩემი "ვიდით", ლაპარაკით და მანერებით აღშფოთებულო სხვადასხვა საიტებზე განფენილო ფასიანო და უანგარო "ქოცებო" დაეწიეთ რუსულ ხომალდს", - წერს ყოფილი დეპუტატი "ფეისბუქის" პირად გვერდზე.
შეგახსენებთ, რომ ირინა სარიშვილი გუშინ, "მთავარი არხის" იუმორისტულ გადაცემა "ვანოს შოუს" სტუმრობდა. ყოფილი დეპუტატის თქმით, მმართველი გუნდის მომხრეების მხრიდან აღნიშნულ შოუში მის მონაწილეობას სხვადასხვა საიტზე კრიტიკული კომენტარები მოჰყვა, რომელიც ძირითადად მის ვიზუალურ მხარესა და ლაპარაკის მანერას შეეხებოდა.