კატალონიის "ბარსელონას" ერთ-ერთი ლიდერი, ანდრეს ინიესტა აცხადებს, რომ მისი გუნდის მიზანი "უემბლიზე" ჩემპიონთა თასის კვლავ აწევაა.
როგორც იცით, 1992 და 2011 წლებში, ლონდონში, "უემბლიზე" გამართული ჩემპიონთა ლიგის ფინალებში "ბარსელონამ" იმარჯვა. მიმდინარე სეზონის ბოლოს, ყველაზე პრესტიჟული საკლუბო ტურნირის ფინალს კვლავ ეს სტადიონი უმასპინძლებს.
"უემბლი" ჩვენთვის მნიშვნელოვანი სტადიონია, რადგან აქ ჩვენ ჩემპიონთა ლიგა 2-ჯერ მოვიგეთ. წინ რთული გზა გველის. ფინალში მოხვედრა იოლი არ იქნება, მაგრამ იმედი გვაქვს, "უემლიზე" თამაშს კვლავ მოვახერხებთ" - აცხადებს ინიესტა UEFA-ს ოფიციალურ ვებგვერდთან საუბრისას.