კონფლიქტები "იდი ნა ხ..ი" - გმირი უკრაინელი მესაზღვრეები, რომლებმაც დანებებას სიკვდილი არჩიეს (ვიდეო) 2022, 25 თებერვალი, 10:56  გუშინ, 24 თებერვალს, რუმინეთის მახლობლად მდებარე შავი ზღვის პატარა კუნძულზე განლაგებული უკრაინელი მესაზღვრეები მას შემდეგ დახოცეს, როდესაც რუსულ სამხედრო გემს დანებების მოთხოვნაზე ასე უპასუხეს „იდი ნა ხ..ი" . ჯარისკაცების მცირე კონტინგენტი, სავარაუდოდ, 13 კაცი იცავდა გველების კუნძულს ოდესის რეგიონში იმ დროს, როდესაც რუსეთმა დაიწყო სრულმასშტაბიანი შეჭრა უკრაინაში. რუსულ გემზე მყოფმა მეზღვაურმა კუნძულის მცველებს რადიოთი დაელაპარაკა: "ეს რუსული ხომალდია, გთავაზობთ, დაყაროთ იარაღი და ჩაბარდეთ, რათა თავიდან აიცილოთ სისხლისღვრა და ზედმეტი მსხვერპლი. თორემ დაგბომბავთ“. თუმცა, უკრაინულმა ძალებმა მოკლედ უპასუხეს "რუსულო სამხედრო ხომალდო იდი ნა ხ..ი". დანებებებაზე უარის თქმის შემდეგ ცოტა ხანში კუნძულის ყველა მცველი გმირულად დაიღუპა დამბომბვის შედეგად. ხუთშაბათს გვიან საღამოს უკრაინის პრეზიდენტმა ვლადიმირ ზელენსკიმ გველის კუნძულზე ჯარისკაცების დაღუპვის ფაქტი დაადასტურა. ტვიტერზე გავრცელებულ ვიდეოში ასევე ნაჩვენები იყო კუნძულზე ცეცხლის გახსნის მომენტი. მასზე ჩანს უკრაინელი ჯარისკაცი, რომელიც კამერას უყურებდა იქამდე, სანამ ჭურვი ახლოს ჩამოვარდებოდა.  ხუთშაბათს ნაშუადღევს უკრაინის შინაგან საქმეთა სამინისტრომ განაცხადა, რომ გველის კუნძულს თავს დაესხნენ რუსული ძალები. კუნძული ეკუთვნის უკრაინას, რომელიც მდებარობს " ნატოს" წევრი რუმინეთის სანაპიროდან სულ რამდენიმე მილის მოშორებით.  გველის კუნძული სტრატეგიულად მნიშვნელოვანია, რადგან ის საშუალებას მისცემს რუსეთს პრეტენზია ჰქონდეს ტერიტორიული წყლებზე, რომლებიც ზღვამდე 12 მილის მანძილზე ვრცელდება.  კუნძულის ხელში ჩაგდების შემდეგ რუსეთს შეეძლება გადაკეტეოს მნიშნელოვანი სანაოსნო არხები საპორტო ქალაქებში ოდესაში, ნიკოლაევსა და ხერსონში და ამით მოახდინოს უკრაინის იზოლაცია საერთაშორისო ბაზრებზე და ჩამოართვას მის ეკონომიკას სასიცოცხლო სავაჭრო შემოსავლები. 1087 2-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
