საზოგადოება "112 სამ არხად დაიყო" - რა ნომრებზე უნდა დარეკოთ სასწრაფოს გამოძახებისთვის, კოვიდ 19-თან დაკავშირებით და პოლიციასა და სახანძროსთან დასაკავშირებლად? 2022, 6 თებერვალი, 20:03
შინაგან საქმეთა სამინისტროს საზოგადოებრივი უსაფრთხოების მართვის ცენტრი "112" კორონავირუსის შემთხვევის მატებასთან დაკავშირებით განცხადებას ავრცელებს.
განხადების თანახმად, საქართველოში კორონავირუსის მატებასთან დაკავშირებით, შინაგან საქმეთა სამინისტროს საზოგადოებრივი უსაფრთხოების მართვის, ცენტრ "112"-ში მოსახლეობის მიმართვიანობა გაზრდილია. "112 პანდემიის დაწყებიდანვე აქტიურად არის ჩართული კორონავირუსის მართვის პროცესში და განსაკუთრებულ რეჟიმში მუშაობს, რათა თითოეულმა მოქალაქემ დროული და მაღალკვალიფიციური მომსახურება მიიღოს. 112-ში 24 საათის განმავლობაში, 35 %-მდე არამიზნობრივი და საინფორმაციო ტიპის ზარი ფიქსირდება, რაც აფერხებს მუშაობის პროცესს. გთხოვთ, გამოიჩინოთ მაღალი მოქალაქეობრივი პასუხისმგებლობა და არამიზნობრივად არ დარეკოთ 112-ზე. გადაუდებელი შემთხვევისას, შეუფერხებლად დაკავშირებისთვის 112 დაიყო სამ არხად: 112 - სასწრაფო სამედიცინო გადაუდებელი დახმარება. 112 1 - პოლიცია და სახანძრო სამაშველო სამსახური. 112 - 2 - კოვიდ 19. კოვიდ-19-ის ვირუსის ლაბორატორიულად დადასტურების შემთხვევაში მოქალაქეს შეუძლია დარეკოს 112-2-ზე. 112-ის მიერ კოვიდ-19-ის ვირუსის, ლაბორატორიულად დადასტურებული შემთხვევები შემდგომი მონიტორინგისთვის გადაეცემა ოჯახის ექიმებს. თუ 48 საათის განმავლობაში არ დაგიკავშირდათ ოჯახის ექიმი, შეგიძლიათ დარეკოთ ცენტრალური, ონლაინ კლინიკის ცხელ ხაზზე - 1522, ხოლო კერძო დაზღვევის შემთხვევაში, თქვენი სადაზღვევო კომპანიის ცხელ ხაზზე: - აღნიშნულია განცხადებაში. 54 შეფასება არ არის
|