კიდევ ერთი დეპუტატი იმუნიტეტის გარეშე - მოუხსნის თუ არა "ქართული ოცნება" იმუნიტეტს დავით კირკიტაძეს და გადასცემს მას პროკურატურას? ოპოზიციონერი დეპუტატის წინააღმდეგ მიმართული გეგმის საბოლოო განხორციელებამდე ერთი ნაბიჯიღა რჩება.

საპარლამენტო არჩევნებამდე მომხდარი ინციდენტის გამო კირკიტაძეს დღეს ბრალი წარუდგინეს და ახლა არც საგამოძიებო უწყება და არც "ქართული ოცნება" არ მალავენ, რომ პროკურატურისგან პარლამენტში ოფიციალურ მიმართვას ელიან.

თავად დევნილი დეპუტატი დარწმუნებულია, რომ სამართალდამცველების გააქტიურება პოლიტიკური დავალებით ხდება და "ქართულმა ოცნებამ" შურისძიება მას შემდეგ გადაწყვიტა, რაც რუსთავში საკრებულოზე კონტროლი დაკარგა.